အရောင်းမန်နေဂျာများအနေနဲ့ရော အရောင်းလုပ်ငန်းကိုစီမံနေရတဲ့ လုပ်ငန်းရှင်တွေအနေနဲ့ရော အရောင်းမဟာဗျူဟာချရတယ်ဆိုတာ မဖြစ်မနေလုပ်ရတဲ့ တာ၀န်ပါ။ ကိုယ့်ချလိုက်တဲ့ အရောင်းဗျူဟာတွေကို ကိုယ့်ရဲ့ အရောင်းအဖွဲ့က လုပ်ဆောင်ရမှာဖြစ်တဲ့အတွက် ကိုယ့်ရဲ့ အရောင်းဗျူဟာတွေဟာ တိကျဖို့၊ မှန်ကန်ဖို့၊ ထိရောက်ဖို့လိုတယ်။ 

မဟုတ်ရင် ကျွန်တော်တို့ဟာ အချိန်ကုန်လူပင်ပမ်းပြီး ရလာဒ်ကောင်းမရှိဘဲ ဖြစ်သွားတတ်ပါတယ်။

အရောင်းမဟာဗျူဟာချတဲ့အခါ လုပ်ငန်းအပေါ်မှုတည်ပြီး အနည်းနဲ့ အများအပြောင်းအလဲရှိတတ်ပေမယ့်တကယ် အခြေခံအချက်တွေကတော့ တူပါတယ်။ ဒါကြောင့် အရောင်းမဟာဗျူဟာချတဲ့အခါ ဘယ်အခြေခံ အချက်တွေကိုထည့်သွင်းစဥ်းစားရမလဲဆိုတာ ကျွန်တော်တို့ တူတူလေ့လာရအောင်။

၁) စျေးကွက် နဲ့ အခြေနေကိုလေ့လာမှု (Market & Situation)

ကိုယ်ရဲ့ အရောင်းမဟာဗျူဟာမချခင်မှာ စျေးကွက်ထဲမှာ ဘယ်လိုစိန်ခေါ်မှုတွေ၊ ဘယ်လိုအခွင့်အလမ်းတွေရှိနေသလဲ။ ကိုယ့်ကုမ္ပဏီကရော စိန်ခေါ်မှုတွေ၊ အခွင့်အလမ်းတွေအတွက် ဘယ်လိုအားသာချက်၊ အားနည်းချက်တွရှိနေသလဲ အစရှိတာတွေကို ထည့်သွင်းစဥ်းစားဖို့လိုပါတယ်။ အခြေနေတွေမှာဆိုရင်လည်း နိုင်ငံရေး၊ စီးပွားရေး၊လူနေမှုပုံစံ၊ ပြောင်းလဲနေတဲ့ နည်းပညာတိုးတက်မှု တွေ၊ စည်းမျဥ်းစည်းကမ်းတွေ (PESTL) ကို လေ့လာသုံးသပ်ရမှာပါ။ အဲဒါမှလည်း ကိုယ့်က စျေးကွက်၊အခြေနေတွေနဲ့  ကိုက်ညီတဲ့ အရောင်းမဟာဗျူဟာ ကိုစဥ်းစားပြီးလုပ်ဆောင်နိုင်မှာပါ။

၂) ၀ယ်သူ၊ ဖောက်သည်ကိုလေ့လာမှု (Customer Analysis) 

ဟုတ်ပါတယ်။ ကျွန်တော်တို့ဟာ စျေးကွက်နဲ့အခြေနေကို သုံးသပ်ပြီးရင် ကျွန်တော်တို့ ရဲ့၀ယ်သူကိုလေ့လာရတော့မှာပါ။ ကျွန်တော် ရဲ့ ၀ယ်သူ၊ဖောက်သည်တွေဟာ ဘယ်လို အလေ့အကျင့်တွေ၊ ဘယ်လိုအပြုမှုမျိုးတွေရှိလဲ၊ ဘယ်လို၀ယ်ကြလဲ အစရှိတဲ့ မတူညီတဲ့ Buying Behaviors တွေကိုလေ့လာရမယ်။ ပြီးမှာ ကျွန်တော်တို့ ထုတ်ကုန်ကို ၀ယ်လာအောင် Heart ထိစေမယ့် စကားလုံး၊ နည်းလမ်းတွေနဲ့ ၀န်ဆောင်မှုပေးရမှာပဲဖြစ်ပါတယ်။ ဒါကြောင့် ၀ယ်သူ၊ဖောက်သည်ကိုလေ့လာမှုဟာလည်း အရောင်းမဟာဗျူဟာချတဲ့အခါထည့်သွင်းစဥ်းစားရမယ့် အချက် တစ်ခုဖြစ်ပါတယ်။

၃) ယှဥ်ပြိုင်မှု အားသာချက် (Competitive Advantages) 

စျေးကွက်ကိုလေ့လာတယ်၊ ၀ယ်သူကိုလေ့လာပြီးရင် ကျွန်တော်တို့ဟာ စျေးကွက်အတွင်းမှာ ဘယ်လိုအားသာချက်နဲ့ ယှဥ်ပြိုင်မလဲဆိုတဲ့အပိုင်းကိုစဥ်းစားရပါတော့မယ်။ အဲ့လိုစဥ်းစားတဲ့အခါ ကိုယ့်ပြိုင်ဘက်တွေက ဘယ်လိုရောင်းနေလဲ၊ ဘယ်စျေးနဲ့ရောင်းနေလဲ၊ ဘယ်လို၀န်ဆောင်မှုမျိုးတွေ ပေးနေသလဲဆိုတာတော့ အရင်သိအောင်လုပ်ပါ။ ပြီးမှ ကိုယ့်ကုန်ပစ္စည်း၊ ကိုယ့် ကုမ္ပဏီကဘယ်လိုအားသာချက်တွေ ပိုကောင်းတာတွေနဲ့ ၀ယ်သူကိုဆွဲဆောင်မလဲဆိုတာကို ထည့်သွင်းစဥ်းစားရမှာပါ။ဒါကလည်း တကယ့်ကိုအရေးကြီးတဲ့အချက်ပါပဲ။

၄) ရည်ရွယ်ချက်၊ ရည်မှန်းချက် (Goals, Objectives, Milestones) 

အခုအရေးကြီးဆုံးအပိုင်းကိုရောက်ပါပြီ။ အရောင်းမဟာဗျူဟာချမယ်ဆိုရင် ကိုယ့်ရဲ့ရည်ရွယ်ချက်၊ ရည်မှန်းချက်တွေကို သေချာသေချာ ရှင်းရှင်းလင်းလင်း သိရပါမယ်၊ သတ်မှတ်ရပါမယ်။ 

ကျွန်တော်တို့ တိကျသေချာတဲ့ ရည်မှန်းချက်၊ ရည်ရွယ်ချက်တွေမရှိဘူးဆိုရင် ကျွန်တော်တို့ဘယ်မှာလည်းမရောက်သလို ဘာမှလည်းဖြစ်လာမှာမဟုတ်ပါဘူး။ ဒါကအရမ်းကိုအရေးကြီးပါတယ်။ ဘာမှမလုပ်ခင် ကိုယ်ဘာဖြစ်ချင်တာလဲ၊ ကိုယ်ဘယ်လိုရလာဒ်လိုချင်တာလဲဆိုတာ ရင်သိအောင် လုပ်ပါ။ 

၅) ချမှတ်ထားတဲ့ ရည်မှန်းချက်၊ရည်ရွယ်ချက်တွေကို ရောက်အောင်ဘာတွေလုပ်မလဲ (Action Plan) 

Action plan လို့ပြောရင် ကျွန်တော်တို့ (၂) ပိုင်းခွဲပြီးစဥ်းစားရတော့မှာပါ။ Strategic နဲ့ Tactical Plan ပါ။ ဒီရည်မှန်းချက်ရအောင်တော့ ငါ ဒီဗျူဟာ၊ ဒီနည်းလမ်းနဲ့ ရအောင်လုပ်မယ်ဆိုတာမျိုးပေါ့။ ကိုယ့်လုပ်ငန်းအနေထားပေါ်မူတည်ပြီး အကောင်းဆုံးနည်းလမ်းကိုစဥ်းစားပါ။ 

ဥပမာ – ကိုယ့်က ဒီလမှာ ရောင်းအားဘယ်လောက်တော့ရောင်းချင်ပါတယ်ဆိုပြီး ရည်မှန်းချက်ချရင် အဲ့ရောင်းအားရဖို့ ဘယ်လိုကြော်ငြာမလဲ၊ ဘယ်လို ပရိုမိုးရှင်းတွေလုပ်မလဲ၊ အဲ့ဒါတွေကို ဘယ်တော့လုပ်မယ်အစရှိတာမျိုး စဥ်းစားရမှာပါ။ Action plan လို့ပြောတာဖြစ်တဲ့အတွက် ဘယ်တော့ပြီးအောင်လုပ်မလဲဆိုတဲ့ သတ်မှတ်ချက်တော့ရှိရမှာပါ။

ကဲ … ဒီအချက်တွေကို လေ့လာသုံးသပ်ပြီး ကိုယ့်အရောင်းအဖွဲ့အတွက် မှန်ကန်ထိရောက်တဲ့ 

အရောင်းမဟာဗျူဟာချနိုင်ပါစေ။

အရောင်းပိုင်းဆိုင်ရာ သင်တန်းများဖြစ်တဲ့ Better Salesaman နဲ့ Better Sales Strategist အတန်းများ စုံစမ်းချင်တယ်ဆိုရင် မက်ဆေ့မှ တစ်ဆင့် စုံစမ်းနိုင်ပါတယ်။