Blog

 ဝယ်သူတွေ ကိုယ့်ဆီကနေ လိုလိုချင်ချင်နဲ့ ဝယ်ယူလာဖို့အတွက် 

54
Sales

 ဝယ်သူတွေ ကိုယ့်ဆီကနေ လိုလိုချင်ချင်နဲ့ ဝယ်ယူလာဖို့အတွက် 

 ဝယ်သူတွေ ကိုယ့်ဆီကနေ လိုလိုချင်ချင်နဲ့ ဝယ်ယူလာဖို့အတွက် 

 အရောင်းသမားတွေအနေနဲ့ မိမိဝယ်သူကို heart ထိအောင်ပြောတတ်တဲ့ အရည်အချင်းကလည်း မလိုမဖြစ်လိုပါတယ်။ 

 ဝယ်သူကို heart ထိအောင် ပြောနိုင်သွားရင် ဘာဖြစ်မလဲဆိုရင် ဝယ်သူရဲ့ ယုံကြည်မှုရမယ်၊ ရေရှည် ဆက်ဆံရေးတည်ဆောက်ပြီးသား ဖြစ်သွားမယ်။ ပစ္စည်းတူ၊ ဈေးနှုန်းတူရင် တောင် ကိုယ့်ဆီကပဲ ၀ယ်တာမျိုး၊ တစ်ခြားသူတွေကိုလည်း ပြန်ပြီး ညွှန်းပေးတာမျိုးလုပ်ပါတယ်။ ဒီတော့ နည်းလမ်း အချို့ကို လေ့လာကြည့်ရအောင် ။

 ၁) တတ်နိုင်သလောက် ဝယ်သူရဲ့ နာမည်ကို မှတ်ထားပါ။ စပြီးစကားပြောတိုင်း နာမည် ခေါ် ပြီးနှုတ်ဆက်ပါ။ ဥပမာ – အွန်လိုင်းကနေ ပစ္စည်းရောင်းတယ်ဆိုပါစို့။ တစ်ယောက်က လာမေးနေပြီ မင်္ဂလာပါ အမ၊ အကို လို့နှုတ်ဆက်လိုက်မယ့်အစား မင်္ဂလာပါ မစုစု စတဲ့ ၀ယ်သူရဲ့ နာမည်ခေါ်ပြီးနှုတ်ဆက်လိုက်ပါ။ 

အဲ့လို စစချင်းပြောလိုက်ခြင်းအားဖြင့် ဝယ်သူရဲ့စိတ်ထဲမှာ သူတို့ကို ဂရုစိုက်တယ်ဆို တဲ့ ခံစားချက်ရသွားပြီး နောက်ပိုင်းဆက်ပြောရတာ အဆင်ပြေသွားတာပေါ့။

 ၂) ဈေးရောင်းနေတယ်ဆိုတာကို ခဏမေ့ထားရအောင်။ လူတွေက အရောင်းခံရတာကို မကြိုက်ကြပဲ ဝယ်ရတာကို ကြိုက်ကြပါတယ်။ ဝယ်သူတွေ အနေနဲ့ ပစ္စည်းလည်းတူတယ်။ ဈေးလည်းတူတယ် ဘာလို့ကိုယ့်ဆီကဝယ်လည်း။ စဉ်းစားကြည့်ရအောင်။ အဓိက အကြောင်းရင်းတွေထဲက တစ်ခုကတော့ သူတို့မေးတာကို စိတ်ရှည်လက်ရှည် ရှင်းပြပေးနိုင်ခြင်းပါပဲ။ 

မေးခွန်းတွေ မေးပြီးသူတို့ရဲ့ ပြဿနာက ဘာလည်း ဆိုတာကို သိအောင် လုပ်မယ်။ ပြီးရင် မိမိဘက်ကနေ မိမိ ရောင်းတဲ့ ကုန်ပစ္စည်းက သူ့ရဲ့ ပြဿနာကို ဘယ်လို ဖြေရှင်းပေးနိုင်တယ်ဆိုတာ ထောက်ပြနိုင်ဖို့ ကြိုးစားဖို့လိုပါတယ်။ 

ဒါဆိုရင် ဝယ်သူမှာ အတင်းရောင်းခံလိုက်ရတယ်ဆိုတဲ့ ခံစားချက်မဖြစ်တော့ဘဲ သူတို့ ကြိုက်လို့၊ သူတို့ မှာဖြစ်နေတဲ့ ပြဿနာကို ဖြေရှင်းဖို့ လိုအပ်လို့ ဝယ်ရတာမျိုးဖြစ်သွားမယ်။ ဝယ်သူတွေနဲ့တစ်ခါထဲ ရင်းနှီးမှု၊ ယုံကြည်မှု တည်ဆောက်ပြီးသားလည်းဖြစ်သွားတာပေါ့။ 

ဒါဆိုရင် ဝယ်သူအနေနဲ့ ငွေကြေးလိုအပ်မှု ရှိလို့တစ်ခါထဲမဝယ်သွားနိုင်သေးဘူး ဆိုရင်တောင် ဝယ်ဖို့ အဆင်သင့်ဖြစ်တဲ့အခါ သူတို့ ယုံကြည်တဲ့သူဆီက နေပဲဝယ်တော့မှာပေါ့။

 ၃) ကူညီတတ်တဲ့ သူငယ်ချင်းတစ်ယောက်ပုံစံဖြစ်အောင် ကြိုးစားပါ။ တစ်ခါတစ်လေ ကြတော့အရောင်းသမားတွေဟာ ရုံးကပေးထားတဲ့ SOP (Standard operation procedure) တွေကို ကြည့်ပြီးတော့ ဒါမေးရင် ဒါဖြေမယ် ဆိုတာမျိုးတွေ လုပ်နေတတ်ပါတယ်။ 

ရုံးကလည်း GM တွေ၊ supervisors တွေက အရောင်းသမားတွေ အဆင်ပြေအောင် ဝယ်သူတွေ အမေးများတဲ့ အချက်တွေကို အဖြေတွေနဲ့ တစ်ခါထဲလုပ်ပေးထားတာမျိုးတွေရှိမယ်။ 

ဒါပေမယ့် အရောင်းသမားတွေ တစ်ခု သိထားရမှာက ဝယ်သူတွေကလည်း အချိန်တိုင်းဒီပုံစံတစ်မျိုးထဲမေးနေမှာ မဟုတ်ပါဘူး။ ဒီတော့ ဝယ်သူတွေရဲ့ မေးခွန်းသိချင်တဲ့ အချက်ပေါ်မူတည်ပြီးတတ်နိုင်သလောက် ဆွေးနွေးပြောဆိုပေးဖို့ လိုအပ်ပါတယ်။ 

ဒါမှပဲ ၀ယ်သူကလည်း လူသားဆန်တဲ့ နွေးထွေးမှုကိုခံစားရပြီး သင့် ကိုစိတ်ထဲမှာ အမြဲမှတ်မိနေမှာဖြစ်ပါတယ်။                                            

ဒီနည်းတွေကိုသုံးပြီး ဝယ်သူနဲ့ ရင်းနှီးမှု၊ ယုံကြည်မှု တည်ဆောက်ရင်း ရောင်းအားကောင်း၊ ရလာဒ်ကောင်းတဲ့၊ ထိပ်တန်းအရောင်းသမားတွေဖြစ်အောင်ကြိုးစားနိုင်ပါတယ်။

[မေးချင်တာရှိရင် comment ရေးခဲ့ပါ]

Leave your thought here

Your email address will not be published. Required fields are marked *

Select the fields to be shown. Others will be hidden. Drag and drop to rearrange the order.
  • Image
  • SKU
  • Rating
  • Price
  • Stock
  • Availability
  • Add to cart
  • Description
  • Content
  • Weight
  • Dimensions
  • Additional information
  • Attributes
  • Custom attributes
  • Custom fields
Compare
Wishlist 0
Open wishlist page Continue shopping
Sales Techniques - E book

သင့်ရောင်းအားကို မြှင့်တင်ဖို့ နည်းလမ်းကောင်းတွေပါတဲ့ E-book ကို FREE (အခမဲ့) ရယူပါ။

ကမ္ဘာကျော် ရုပ်ရှင်ကား တစ်ခုဖြစ်တဲ့ “Wolf Of Wall Street” ရဲ့ ပဲ့ကိုင်ရှင် Jorden Belford ရဲ့ အရောင်းပညာရပ်တွေကို ဖတ်ရှုလေ့လာ သင့်လုပ်ငန်းမှာကျင့်သုံးနိုင်ပါတယ်။