အရောင်းသမားတွေ၊ အရောင်းမန်နေဂျာတွေဟာ ၀ယ်သူတွေကိုယ့်ဆီကနေ၀ယ်ရင် ပျော်တယ်။ ကိုယ့်၀ယ်သူ ဖောက်သည်က တစ်ခြားပြိုင်ဖက်နဲ့ ယှဥ်ရင်ကိုယ့်ကိုရွေးသွားတယ်ပေါ့။

ကျွန်တော်တို့ အဲ့လိုအခြေနေမျိုးမှာ ကိုယ့်၀ယ်သူတွေ၊ ဖောက်သည်တွေက ကိုယ့်ဆီကဘာလို့၀ယ်သွားတာလဲလို့ စဥ်းစားဖူးကြလား။ ဥပမာ စျေးကြောင့်လား။ စျေးချင်းတူနေရင်
၀န်ဆောင်မှုကြောင့်လား စတာမျိုးတွေပေါ့။

အကယ်လို့ မစဥ်းစားရသေးဘူးဆိုရင် အချိန်တစ်ခုယူပြီး စဥ်းစားကြည့်ရအောင်။ ကိုယ့် ၀ယ်သူတွေဖောက်သည်တွေက ကိုယ့်ဆီကနေ၀ယ်တာ က ကျွန်တော်အောက်မှာ ဆွေးနွေးပေးမယ့် Sales power တွေထဲက တစ်ခုခုကြောင့်ဖြစ်နိုင်တယ်။ တစ်ခါတစ်လေ ကိုယ့်က ဒီ power တွေကို သိလို့ဖြစ်ဖြစ်၊ မသိပဲ ဖြစ်ဖြစ် သုံးလိုက်မိတာမျိုးရှိလိမ့်မယ်။ အဲ့အချိန်မှာ ကိုယ့် customer က ဟာတ်ထိပြီး ကိုယ့်မှ ကိုယ်ပဲဖြစ်တော့တာပဲ။

ဒါကြောင့် ဒီလို power တွေကို သိထားမယ်ဆိုရင် ကိုယ့်လုပ်ငန်းနဲ့ လူမှုဆက်ဆံရေးမှာပိုအသုံးတည့်စေတာပေါ့။

၁) Expertise Power

ကိုယ့် ကုန်ပစ္စည်းနဲ့ပတ်သတ်ရင် ကိုယ့်ကိုကို expert တစ်ယောက်အနေနဲ့ ခံယူထားဖို့လိုပါတယ်။ Expert (တကယ်ကျွမ်းကျင်သူ) တစ်ယောက်အနေနဲ့ဆိုရင် ကောင်းတာရော၊ မကောင်းတာရော ထောက်ပြအကြံပေးနိုင်ရမယ်။ ကိုယ်ရောင်းရဖို့အတွက်ချည်းပဲ ကြည့်တာမဟုတ်ဘူး။ သူ့လိုအပ်ချက်၊လိုအင်ပေါ်မှာ ကိုယ့်ကျွမ်းကျင်မှုကို အသုံးပြုပြီး အကောင်းဆုံးအကြံပေးကြည့်လိုက်ပါ။၀ယ်သူက ကိုယ့်ကို အရောင်းသမားလိုမမြင်တော့ပဲ အကြံကောင်းပေးတဲ့ သူတစ်ယောက်အနေနဲ့မြင်လာမှာပါ။

၂) Charismatic Power

တစ်ခါတစ်လေ ၀ယ်သူတွေ၊ဖောက်သည်တွေက ကုမ္ပဏီတွေ၊ ကုန်ပစ္စည်းတွေထက် သူတို့နဲ့ ပြောဆိုရတဲ့ အရောင်းသမားကို နှစ်သက်လို့၊ ချစ်ခင်လို့ ၀ယ်ကြတာတွေရှိပါတယ်။ ကိုယ်နှစ်သက်တဲ့လူ၊ ကိုယ်ကြိုက်တဲ့ လူကပြောရင် လူတိုင်းနားထောင်ကြတယ်လေ။ အဲ့လိုပဲ ကိုယ့်ကို နှစ်သက်၊ ချစ်ခင်တဲ့၀ယ်သူဖောက်သည်က ကိုယ်ဘာရောင်းရောင်း၀ယ်ပါလိမ့်မယ်။ ချစ်ခင်၊နှစ်သက်လာအောင်ဘယ်လို လုပ်မလဲဆိုရင်တော ကိုယ်ချင်းစာပါ။ နားလည်မှုပေးပါ။ ကူညီဖို့အဆင်သင့်ဖြစ်နေရင် ဘယ်သူမဆို ချစ်ခင်နှစ်သက်ပါတယ်။

၃) Reward Power

Reward ဆိုတဲ့အတိုင်း အကျိုး တစ်ခုခု၊ ခံစားခွင့်တစ်ခုခုဆိုတာမျိုးပါ။ ကျွန်တော်ရုံးမှာဆိုရင် ငွေလာလာရှင်းတဲ့ Supplier တစ်ယောက်က ရုံးကိုလာတိုင်း အအေးဘူးလေးတွေ ရုံးကလူတွေအတွက်ဆိုပြီး ၀ယ်လာပေးတတ်ပါတယ်။ စျေးကြီးလားဆိုတော့မကြီးပါဘူး။ ဒါပေမယ့် ရုံးကလူတွေက Supplier ချင်းယှဥ်ရင်တောင် အဲ့လိုလေးတွေယူလာပေးတဲ့ သူ့ကို အမှတ်တရပိုဖြစ်ကျတာပေါ့။ အဲ့လိုပဲ ကိုယ်၀ယ်သူ၊ဖောက်သည်အတွက်ဆိုလည်း သူအကျိုးရှိစေမယ့် ခံစားခွင့်လေး၊အပိုဆောင်းလေးလုပ်ပေးမယ်ဆိုရင် ကိုယ့်ကိုပိုပြီးမှတ်မိလွယ်၊ ရင်းနှီးလွယ်တာပေါ့။

၄) Information Power

တစ်ခါတလေ ကိုယ်ကရောင်းချင်ဇောနဲ့ follow up လုပ်တဲ့ အခါ၀ယ်တော့မလား၊ ဘယ်တော့လောက် ဆုံးဖြတ်ပေးနိုင်လဲဆိုတာမျိုးကိုပဲ ဦးတည်တတ်ကြပါတယ်။ အဲ့လိုမဟုတ်ပဲနဲ့ ၀ယ်သူ၊ဖောက်သည် လိုအပ်မယ့် information လေးတွေ ပေးပြီး Follow up လုပ်ရင်၊ အသုံး၀င်နိုင်တဲ့ သတင်းအချက်အလက်
လေးတွေပေးရင် ၀ယ်သူဖောက်သည်က ကိုယ့်ကိုပိုပြီးယုံကြည်မှုရှိပြီး ကိုယ်ဆီက ၀ယ်ဖို့ ရာခိုင်နှုန်းပိုများလာမှာဖြစ်ပါတယ်။

၅) Reverent Power

ဒါကတော့ ဘာကိုပြောချင်တာလဲဆိုရင် ဂုဏ်သိက္ခာရှိတဲ့ တည်ကြည်မှုဆိုတာမျိုးပေါ့။ ဒီလူကိုကြည့်လိုက်ရင် အလိုလိုယုံကြည်စရာကောင်းနေတယ်၊ မှန်ကန်တယ်၊ဖြောင့်မတ်တယ်။ သူမှာ
ကိုယ်ပိုင်တန်ဖိုးထားမှု တစ်ခုရှိနေတယ်ဆိုတာမျိုးကိုဆိုလိုတာဖြစ်ပါတယ်။ ဒါကတော့ အချိန်တစ်ခုယူပြီး
တည်ဆောက်ရတဲ့ ယုံကြည်မှုတစ်ခုဖြစ်ပါတယ်။ ဒီလိုယုံကြည်မှုမျိုးကို ရဖို့အတွက်ဆိုရင်
တာ၀န်ယူမှု၊ တာ၀န်ခံမှု နဲ့ ရိုးသားဖြောင့်မှန်မှုတွေရှိဖို့လိုပါတယ်။ ဒါမှပဲ ကိုယ့်ဖောက်သည်၊ ကိုယ်၀ယ်သူက အမြဲတမ်း ကိုယ့်နဲ့ ယုံကြည်မှုတည်ဆောက်ထားနိုင်မှာဖြစ်ပါတယ်။

၆) Situation Power

အခြေအနေ ပြောင်းလဲတာနဲ့ လူတွေရဲ့စဥ်းစားပုံ၊ ပုံစံတွေပြာင်းလဲတတ်တာမို့ Situation Power ကိုလည်း သိထားသင့်ပါတယ်။ ဥပမာ receptionist တစ်ယောက်က ပုံမှန်အချိန်မှာတော့ Situation power မရှိပေမယ့် သင့်ဟာ B2B Selling အတွက် Decision Maker နဲ့ တွေ့ဖို့ ကြိုးစားတယ်ဆိုရင်တော့ receiptionist တစ်ယောက်က သင့်ကို Decision Maker ရောက်ဖို့ ခွင့်ပေးနိုင်မလား၊ မပေးဘူးလားဆိုတဲ့ Situation Power ရှိတဲ့လူတစ်ယောက်ဖြစ်သွားပါပြီ။ ဒါကြောင့် Situation power ဟာလည်း အရေးကြီးတဲ့ power တစ်ခုဖြစ်ပါတယ်။

၇) Coercive Power

Sales presentation တွေလုပ်ကြတဲ့အခါမှာ အရောင်းသမားတွေ အများစုက ကိုယ့်ပစ္စည်းကို သုံးရင် ဘယ်လိုတွေကောင်းလဲ၊ ဒီနေ့၀ယ်ရင် ဘာတွေရမှာ ဆိုတဲ့ ကောင်းတဲ့ အချက်တွေပဲထည့်ကြတယ်။ ဒါပေမယ့် ဒီပစ္စည်းကိုဒီနေ့မှ မ၀ယ်ရင်တော့ ကိုယ့်၀ယ်သူ၊ ဖောက်သည် ဆုံးရှုံးရမယ့် မကောင်းတဲ့ အချက်တွေကိုတော့ ဘယ်သူမှထည့်ပြီး မပြောကြပါဘူး။ ဒါကြောင့် Coercive Power ကလည်း သိထားသင့်တဲ့ power တစ်ခုဖြစ်ပါတယ်။

၈) Legitimate Power

တစ်ခါတစ်ရံမှာ “Legitimate Power” ကလည်း အရေးကြီးပါတယ်။ ကိုယ့် လိပ်စာကတ်ပေါ်က ကိုယ့်ရဲ့ ပရော်ဖက်ရှင်နယ်ရာထူးကလည်း ကိုယ့်အတွက် ပါ၀ါ တစ်မျိုးပါပဲ။ ကိုယ့် ပရော်ဖက်ရှင်နယ် ရာထူးက ကိုယ့်ကို ၀ယ်သူအသစ်၊ ဖောက်သည် အသစ်တွေနဲ့ ဆက်ဆံတဲ့အခါ first impression ရစေနိုင်မယ့်အချက်တစ်ချက်အနေနဲ့လည်း အရေးကြီးပါတယ်။

ဒီ power တွေဟာ အရောင်းတစ်ခုတည်းမှာပဲ အသုံး၀င်တာမဟုတ်ပါဘူး။ မားကတ်တင်း၊ ညှိနှိုင်းဆွေးနွေးမှု လုပ်တဲ့အခါ၊ ခေါင်းဆောင်မှုတွေ၊ HR အပိုင်းအကုန်လုံးမှာအသုံး၀င်ပါတယ်။ မှန်ကန်တဲ့ နည်းလမ်းနဲ့ မှန်ကန်တဲ့ အချိန်မှာ သုံးနိုင်ဖို့တော့ လိုပါမယ်။

အရောင်းနှင့် မားကတ်တင်းနဲ့ပတ်သတ်တဲ့ ဗဟုသုတတွေကို စဥ်ဆက်မပြတ်လေ့လာဖို့အတွက်
Better Version ကို Like & follow ထားလိုက်တော့နော်။ ?

#BetterVersion
#UnlockingYourHighestPotentials