Blog

အရောင်းပိုင်းကို စီမံခန့်ခွဲနေသူတိုင်း လုပ်ရမယ့် တာဝန်များ

22
Sales

အရောင်းပိုင်းကို စီမံခန့်ခွဲနေသူတိုင်း လုပ်ရမယ့် တာဝန်များ

ဟိုနေ့က အရောင်းသမားတိုင်းရှိရမယ့် စိတ်နေသဘောထား အကြောင်းရေးလိုက်တော့ အရောင်းပိုင်းကို တာဝန်ယူနေရတဲ့ လူတွေ အတွက် လာမေးကြရော။

ကဲ စလိုက်ကြရအောင်။

မရောင်းရမှတော့ ဘာစီးပွားရေးမှ ဖြစ်နေတယ်လို့ ပြောလို့မရဘူး။

ဒီတော့ အရောင်းပိုင်း စီမံခန်ခွဲနေရသူတစ်ယောက်ရဲ့ အဓိက တာဝန်တွေကတော့ ကိုယ့်လုပ်ငန်းရဲ့ ရည်မှန်းချက်ပန်းတိုင်တွေ ရနိုင်ဖို့အတွက် အရောင်းပိုင်းကနေ အထိရောက်ဆုံးနည်းလမ်းတွေ သုံးပြီး ပံ့ပိုးပေးနိုင်အောင် လုပ်ရတာပါဘဲ။

ဒီနေရာမှာ ပြန်ခွဲပြီး ကြည့်မယ်ဆိုရင်တော့

၁) အရောင်းအဖွဲ့အတွက်၊ အရောင်းသမားတွေအတွက် ရည်မှန်းချက်တွေ၊ ပန်းတိုင်တွေ ချမှတ်ပေးရမယ်။

ဒီလုပ်ငန်းစဥ်ကို လုပ်ဖို့အတွက်ဆိုရင်တော့ အရောင်းမန်နေဂျာ တစ်ယောက်ဟာ သုံးသပ်ချက်တွေကို မှန်မှန်ကန်ကန် လုပ်နိုင်ရမယ်။ ဈေးကွက် အနေအထား သုံးသပ်ချက်တွေ၊ ကိုယ့်လုပ်ငန်းအပေါ် သုံးသပ်ချက်တွေ၊ နောက်ပြီး ကိုယ့်မှာ ရှိနေတဲ့ လူတွေရဲ့ အရည်အချင်း၊ အရည်အသွေး အပေါ် သုံးသပ်ချက်တွေ လုပ်နိုင်ရမယ်။

မျှတတဲ့ စိတ်ရှိဖို့လဲ လိုပါသေးတယ်။ ဒါမှ ကိုယ့်အရောင်းသမားတွေအပေါ်မှာ သာတူ ညီမျှ ဆက်ဆံတက်ဖို့မှာ ဖြစ်ပါတယ်။

နောက်ပြီး ရည်မှန်းချက် ပန်းတိုင် ချမှတ်တဲ့အခါမှာဆိုရင်လဲ ရှင်းလင်းပြတ်သားမှု၊ ပြန်လည် စိစစ်တဲ့အခါမှာ အငြင်းပွားစရာ မလိုအောင် တိုင်းတာနိုင်တာမျိုး၊ ကိုယ့်လုပ်ငန်းရဲ့ ရည်မှန်းချက်တွေ၊ ရပ်တည်မှုတွေနဲ့ ကိုက်ညီမှု ရှိတာမျိုးတွေ ဖြစ်ဖို့လိုပါတယ်။ ဒါ့အပြင် စိန်ခေါ်မှု ရှိဖို့ လိုသလို ရယူနိုင်စွမ်းရှိတာမျိုး ဖြစ်ဖို့ လိုပါတယ်။

၂) အရောင်းရနိုင်ချေကို ခန့်မှန်းခြင်း နဲ့ ဘတ်ဂျက် ခွဲဝေသုံးစွဲခြင်း ကိုလဲ လုပ်ပေးမှာ ဖြစ်ပါတယ်။

ကိုယ့်ရောင်းကုန်က ဒီနှစ်တော့ ဘယ်လောက် လောက်ရနိုင်ချေရှိနိုင်တယ်။ ဘယ်လောက်တော့ ဈေးကွက်ထဲမှာ ကိုယ့်ရောင်းကုန် နဲ့ ပတ်သက်ပြီး ဝယ်လိုအား (Demand) ရှိနိုင်မယ်။ စသည်ဖြင့် ခန့်မှန်းပေးရမယ်။ အသုံးများတဲ့ အရောင်းရနိုင်စွမ်းခန့်မှန်းချက် နည်းလမ်းတွေလဲသေချာ သိထားရမယ်။

ပြီးရင်တော့ အရောင်းပိုင်း ဘတ်ဂျတ်ကတော့ ဘယ်လောက်ရရမယ်။ ဘယ်နေရာတွေမှာတော့ ဘယ်လောက်သုံးမယ်။ စသည်ဖြင့် ဘတ်ဂျတ်ဆွဲပေးရမှာ ဖြစ်ပါတယ်။

၃) အရောင်းပိုင်းအတွက် ဖွဲ့စည်းခြင်း လုပ်ဆောင်ပေးရမယ်။

ကိုယ့် အရောင်းအဖွဲ့ကို ဘယ်လိုပုံစံတည်ဆောက်မှာလဲ။ ပစ္စည်းပေါ် အခြေခံနဲ့ နည်းနဲ့ တည်ဆောက်မှာလား။ ဒေသကို အခြေခံမှာလား။ လူဘယ်နှစ်ယောက်နဲ့ ဖွဲ့စည်းမှာလား။ ဘယ်လိုလူမျိုးတွေကို ခန့်အပ်ရွေးချယ်မှလဲ။ စသည်ဖြင့် စဥ်းစားပြီး အကောင်းဆုံး ပုံစံဖြစ်အောင် ဖွဲ့စည်းပေးရမှာ ဖြစ်ပါတယ်။

၄) Motivation ပေးရအုန်းမယ်။ သင်တန်းတွေလဲ ပေးရမယ်။

အရောင်းသမားတိုင်းဟာ အချိန်တိုင်း တက်ကြွနေကြမှာ မဟုတ်ဘူး။ အချိန်တိုင်း Sales Target တွေရနေမှာ မဟုတ်ဘူး။ နောက်ပြီး လူဖြစ်တဲ့အတွက် သူမှာလဲ သူမိသားစု၊ လူမှုရေး အစရှိတဲ့ အကြောင်းကြောင်းတွေကြောင့် စိတ်ဓာတ်ကျနေတာမျိုးတွေ၊ စိတ်ပိုင်းဆိုင်ရာ အဆင်မပြေနေတာမျိုးတွေ လဲ ဖြစ်နေနိုင်တယ်။ အဲလို အချိန်မျိုးတွေမှာ အကောင်းဆုံး ဘယ်လို ပုံစံတွေနဲ့ Motivation ပေးနိုင်ရမယ်။ Coaching လုပ်ပေးနိုင်ရမယ်။

လူတိုင်းမှာ Motivation ဖြစ်စေတဲ့ အကြောင်းအရင်းတွေဟာ မတူဘူး။ တချို့အတွက် Bonus ဖြစ်နေတဲ့အချိန်မှာ၊ တချို့အတွက် ရာထူး ဖြစ်ချင်ဖြစ်နေတတ်တာမျိုးတွေရှိပါတယ်။ ကိုယ့်အရောင်းသမားတွေအားလုံးကို Motivation အကောင်းဆုံးပေးနိုင်မယ့် နည်းလမ်းတွေလဲ သိထားရမယ်။

ခေါင်းဆောင်မှု အရည်အသွေးတွေ လိုအပ်သေးတယ်။ ခေါင်းဆောင်မှုနည်းလမ်းတွေကို သိရမယ်။ ခေါင်းဆောင်မှု ပုံစံအကြောင်း တွေကွဲကွဲပြားပြား သိထားရမယ်။ ဘယ်အချိန်မှာ ဘယ်လို ပုံစံသုံးရမလဲ ဆိုတာမျိုးတွေလဲ သိထားရမယ်။

၅) နှိုင်းယှဥ် သုံးသပ်ခြင်း နှင့် ထိန်းချုပ်ခြင်း လုပ်နိုင်ရမယ်။

အပေါ်မှာ ရည်မှန်းချက်ပန်းတိုင်တွေ ချမှတ်ထားတယ်။ အဲဒါတွေ ကို ဘယ်လို ပြီးမြောက်အောင် လုပ်မလဲ ဆိုတာတွေ ဗျူဟာ ဆွဲပြီးရင် လက်တွေ့ လုပ်ဆောင်ရမယ်။ အစီအစဥ်နဲ့ လက်တွေ့ဟာ လွဲတတ်တာဘဲ။ အဲဒီလိုမျိုး အခြေအနေတွေကို အကောင်းဆုံး ထိန်းချုပ် စီမံနိုင်စွမ်း ရှိရမယ်။ နောက်ပြီး အရောင်းသမား တစ်ယောက်ချင်းစီ၊ တစ်ဖွဲ့ချင်းစီရဲ့ ပန်းတိုင် နဲ့ ရလာဒ် တွေကို သုံးသပ်ပေးတာမျိုးတွေ၊ အကြံဥာဏ် ပေးတာမျိုးတွေလဲ လုပ်ပေးမှာဖြစ်ပါတယ်။

ဆိုတော့ကာ အရောင်းပိုင်းကို ပိုင်နိုင်စွာ စီမံ ဦးဆောင်နေတဲ့ လူတစ်ယောက် ဖြစ်ဖို့ဆိုရင် အပေါ်က ပြောခဲ့တဲ့ တာဝန်တွေ၊ အရည်အသွေးတွေ လိုတယ်။

တကယ်လို့များ အရောင်းပိုင်းကို အကောင်းဆုံး စီမံခန့်ခွဲနိုင်ဖို့ အတွက် လိုအပ်နေရင်တော့

Better Sales Strategist နဲ့ Better Sales Leader အတန်းကို တွဲတက်လိုက်ရင် အကုန်လုံး ပါဝင်သွားမှာ ဖြစ်ပါတယ်။

သင်တန်း စုံစမ်းဖို့အတွက် “BSMS” လို့ မက်ဆေ့ပို့နိုင်ပါတယ်။

#BetterSalesMasterySeries
#SalesManagement
#BetterVersion
#MakeYourProgress

[ သင်ခန်းစာနဲ့ပတ်သက်ပြီး မေးချင်တာများရှိရင် comment ရေးခဲ့ပါ။ ]

Leave your thought here

Your email address will not be published. Required fields are marked *

Select the fields to be shown. Others will be hidden. Drag and drop to rearrange the order.
  • Image
  • SKU
  • Rating
  • Price
  • Stock
  • Availability
  • Add to cart
  • Description
  • Content
  • Weight
  • Dimensions
  • Additional information
  • Attributes
  • Custom attributes
  • Custom fields
Compare
Wishlist 0
Open wishlist page Continue shopping
Sales Techniques - E book

သင့်ရောင်းအားကို မြှင့်တင်ဖို့ နည်းလမ်းကောင်းတွေပါတဲ့ E-book ကို FREE (အခမဲ့) ရယူပါ။

ကမ္ဘာကျော် ရုပ်ရှင်ကား တစ်ခုဖြစ်တဲ့ “Wolf Of Wall Street” ရဲ့ ပဲ့ကိုင်ရှင် Jorden Belford ရဲ့ အရောင်းပညာရပ်တွေကို ဖတ်ရှုလေ့လာ သင့်လုပ်ငန်းမှာကျင့်သုံးနိုင်ပါတယ်။