Blog

အရောင်းအတွက် ထိရောက်တဲ့ Sales Follow up ဘယ်လိုလုပ်ကြမလဲ? 

33
Sales

အရောင်းအတွက် ထိရောက်တဲ့ Sales Follow up ဘယ်လိုလုပ်ကြမလဲ? 

အရောင်းသမားတစ်ယောက်ပဲဖြစ်ဖြစ်၊ အရောင်းမန်နေဂျာတစ်ယောက်ပဲဖြစ်ဖြစ် ၀ယ်သူတွေကနောက်မှ ပြန်ဆက်သွယ်ပါ၊ နောက်မှပြန်ပြောပေးမယ်၊ နောက်မှပဲပြန်လာခဲ့ပါဆိုတဲ့ ပြောဆိုမှုမျိုး ကို မဖြစ်မနေကြုံရမှာဖြစ်ပါတယ်။ 

အဲ့ဒီလိုပဲ ကိုယ့်ကတော့ ကိုယ့်ကုန်ပစ္စည်းအကြောင်းတွေ စျေးနှုန်းတွေတော့ ပို့လိုက်တယ်၊ တင်ပြလိုက်တယ် ဒါပေမယ့် ၀ယ်သူဆီက ဘာမှ သတင်းပြန်မကြားရတာမျိုးလည်း ကြုံရတတ်ပါတယ်။ 

ဒီလိုအခြေနေတွေအတွက် အရောင်းသမားတွေ၊ အရောင်းမန်နေဂျာတွေက ဒီ၀ယ်သူ၊ဖောက်သည်တွေကို မဖြစ်မနေ ကိုယ့်ဘက်ကနေ ပြန်ဆက်သွယ်ရပါတော့မယ်။ အရောင်းစကားနဲ့ပြောရရင် “Sales Follow up” လိုက်တယ် လို့ အရောင်းသမားတွေ ပြောလေ့ရှိကြပါတယ်။  

“Sales Follow up” လိုက်တာက အရမ်းကိုအရေးကြီးပါတယ်။ ဒီ၀ယ်သူ ဖောက်သည်က ကိုယ့်ဖောက်သည်၊ ကိုယ့်၀ယ်သူ ဖြစ်လာမလား ဆိုတာ ဒီ process ပေါ်မှာ အများကြီးမူတည်ပါတယ်။ 

ရလာဒ်ကောင်းတဲ့ အရောင်းသမားတွေကို လေ့လာကြည့်ရင်လည်း မှန်ကန်ထိရောက်တဲ့ “Sales Follow up” plan တွေ procedure တွေ၊ timing တွေရှိတာ တွေ့ရပါတယ်။ 

မှန်ကန်ထိရောက်တဲ့ “Sales Follow up” ဘယ်လိုလုပ်မလဲ။ ဘယ်အချက်တွေကို သတိထားရမလဲဆိုတာ အတူတူလေ့လာကြည့်ရအောင်။ 

၁) Sales Follow up အချိန်သတ်မှတ်ပါ။ 

Sales Follow up မှာ အဓိက သတိထားရမယ့် အချက်ကတော့ အချိန် – Timing ပါ။ ကိုယ့် က ၀ယ်သူကိုပြန်ပြီး ဆက်သွယ်တဲ့ အချိန်မှာ ကိုယ့်၀ယ်သူ က ပြိုင်ဖက်ဆီကနေ၀ယ်ပြီးတာမျိုး၊   ဒါမှမဟုတ် ကိုယ့် ကုန်ပစ္စည်းကို ၀ယ်ယူချင်တဲ့ စိတ်၀င်စားမှုမရှိတော့တာမျိုး ဖြစ်သွားတတ်ပါတယ်။ ဒါကြောင့် ကိုယ့် Follow up လိုက်မယ့် ၀ယ်သူတွေကို အချိန်တစ်ခု အရင်သတ်မှတ်ပေးပါ။ 

ဥပမာ မနီးလွန်း မ၀ေးလွန်း ဖြစ်အောင် Proposal ပို့ပြီး (၃)ရက်အတွင်းမှာ ကိုယ့်၀ယ်သူဖောက်သည် ကို    Follow up ပြန်လိုက်မယ်၊ပြီးတော့ ကိုယ့်၀ယ်သူတွေက များသောအားဖြင့် ဘယ်အချိန်တွေမှာ အားတတ်လဲ ဆိုတာမျိုး သေချာ လေ့လာပြီး အချိန်သတ်မှတ်ထားသင့်ပါတယ်။ 

ဒါမှပဲ ကိုယ့် ၀ယ်သူ၊ ဖောက်သည်တွေက ကိုယ့် ကုန်ပစ္စည်းကို သုံးသပ်ပြီးတဲ့အချိန်၊ ကိုယ့်ကလည်း ပြန်ဆက်သွယ်ပေးတဲ့ အချိန်နဲ့ ကိုက်ညီသွားရင် ရောင်းရပါလိမ့်မယ်။ 

၂) Sales Funnel အဆင့်တွေသတ်မှတ်ပါ။ 

အရောင်းသမားတွေဟာ ၀ယ်သူတွေနဲ့ ကိုယ့်ရဲ့ communication အဆင့်၊ ၀ယ်သူတွေရဲ့ စိတ်၀င်စားမှု၊ ၀ယ်သူတွေရဲ့ လိုအပ်တဲ့ အရေးပေါ်အခြေနေပေါ်မူတည်ပြီး Sales Funnel (or) Sales Pipeline အဆင့်တွေ သတ်မှတ်သင့်ပါတယ်။ 

ဥပမာ – ချက်ခြင်း၀ယ်တော့မယ့် ၀ယ်သူ၊ဖောက်သည်၊  ၀ယ်ယူဖို့ အချိန်ယူစဥ်းစားဖို့ လိုတယ်၊ ဒါပေမယ့် သိပ်မကြာခင် ၀ယ်နိုင်တယ်ဆိုတဲ့ ၀ယ်သူဖောက်သည်၊ သူကတော့ မလိုအပ်ဘူး၊မ၀ယ်သေးဘူး ဒါပေမယ့် တစ်ခြားလူတွေကိုတော့ ညွှန်းပေးနိုင်တဲ့ ဖောက်သည်၊၀ယ်သူ ဒီလိုမျိုး ခွဲပြီး သတ်မှတ်လိုက်မယ် ဆိုရင် ကိုယ့်ရဲ့ အချိန်ကို ဘယ်၀ယ်သူပေါ်မှာ ဘယ်လောက်ပေးပြီး၊ ဘယ်လိုအရောင်းဗျူဟာမျိုး သုံးရမလဲဆိုတာသိသွားမှာဖြစ်ပါတယ်။ 

၃) Sales Follow up လိုက်တိုင်း ၀ယ်သူကို Value တစ်ခုပေးပါ။ 

ကျွန်တော်တို့ ကိုလည်း နေ့စဥ်ဖုန်းဆက်ပြီး Follow up လိုက်နေတဲ့အရောင်းသမားတွေကြုံဖူးပါလိမ့်မယ်။ 

ဒါပေမယ့် အများစုကတော့ ဘယ်ကုမ္ပဏီက ပါ၊ ဘာအတွက်ဖုန်းဆက်ပေးတာပါဆိုတာမျိုးပါပြီး ၀ယ်သူတွေ ဖောက်သည်တွေအတွက် စိတ်၀င်စားစရာ၊ မဖြစ်မနေ၀ယ်ယူလိုက်စရာ ဘာ Value၊ ဘာ motivation မှမပါပါဘူး။ တခါတလေ ကိုယ်တိုင်ရော ကိုယ့်၀ယ်သူတွေကို အဲ့ဒီလိုမျိုး Follow up လိုက်နေမိလား စဥ်းစားပါ။ 

ဥပမာ – ခရီးသွားကုမ္ပဏီတစ်ခုဆိုပါစို့။ ကိုယ့်ဆီက ခရီးစဥ်တစ်ခု၀ယ်မယ့် ၀ယ်သူက ဒီခရီးမှာ မဖြစ်မနေသိသင့်တဲ့ ခရီးသွား information တွေရှိပါတယ်။ Follow up လိုက်တဲ့အခါ အတင်းမရောင်းပဲ    ဗီဇာကတော့ ဘယ်လိုလျှောက်လို့ရတယ်၊ ငွေလဲကောင်တာတွေဘယ်မှာရှိတတ်တယ် ဒီလိုမျိုး information လေးတွေပေးပြီး Follow up လိုက်ရင် ကိုယ့်၀ယ်သူက ကိုယ့်ကို မှတ်မိနေပြီး အရောင်းပိတ်ဖို့ ပိုလွယ်ကူပါလိမ့်မယ်။ 

၄)​ အရောင်းပိတ်နည်းတွေ စဥ်းစားပါ။ 

ကိုယ် Sales Follow up လိုက်ရခြင်းရည်ရွယ်ချက်ကတော့ ကိုယ့်ကုန်ပစ္စည်းကို ၀ယ်စေချင်တာမလား။ ဒါဆို ၀ယ်သူကို Follow up လိုက်ဖို့ ဖုန်းမခေါ်ခင်၊ email မပို့ခင် အရောင်းဘယ်လိုပိတ်မလဲဆိုတာ ကြိုစဥ်းစားထားပါ။ 

၀ယ်သူနဲ့ ပြောတဲ့အခါ ဒီနေ့၀ယ်ရင်တော့ ဘယ်လောက်တောင် စျေးသက်သာသွားမှာ၊ ဘယ်လိုအကျိုးကျေးဇူး တွေရမှာ၊ ဒီနေ့ ၀ယ်ရင် ဘာလက်ဆောင်တွေရှိမှာဆိုတာမျိုးနဲ့ ၀ယ်ဖို့    လှုံဆော်လို့ရပါတယ်။ ဒါကြောင့် ၀ယ်သူတစ်ယောက်ခြင်းစီရဲ့ စိတ်၀င်စားမှု၊ ၀ယ်လိုမှုပေါ်မူတည် ပြီး  တစ််ဦးချင်းစီ ကို အရောင်းပိတ်လို့ရပါတယ်။ 

၅) အဆက်သွယ်မပြတ်ပါစေနဲ့။ 

ဒါကအရမ်းကို အရေးကြီးတဲ့ အချက်ဖြစ်ပါတယ်။ ၀ယ်သူဟောင်း၊ဖောက်သည်ဟောင်းတွေ နဲ့လည်း အဆက်သွယ် အမြဲရှိနေသင့်သလို့  မ၀ယ်ရသေးတဲ့ ဖောက်သည်တွေ ၀ယ်သူကိုနဲ့ လည်း အဆက်သွယ်  မပြတ်ရှိနေဖို့ လိုအပ်ပါတယ်။ 

၀​ယ်သူက မ၀ယ်သေးဘူး။ နောက်မှပဲပြန်ဆက်သွယ်ပါမယ်လို့ ပြောလိုက်ရင် အရောင်းသမားတွေက Follow up ထပ်မလိုက်တော့ဘူး။ နောက်တစ်ခု က ၀ယ်သူဆီက ဘာမှရေရာတဲ့ အဖြေမရရင်လည်း ထပ်မကြိုးစားတော့ပဲ လက်လျော့ လိုက်တာများပါတယ်။ 

အဲ့ဒီလိုမဟုတ်ပဲ မ၀ယ်သေးတဲ့ ၀ယ်သူဖောက်သည်ကိုလည်း ၂ပတ် တစ်ခါလောက် ဖုန်းဆက်ပေးတာမျိုး၊ တစ်လတစ်ခါလောက် ပစ္စည်းလေးတွေ အစမ်းသုံးဖို့ ပို့ပေးတာမျိုးနဲ့ ကောင်းမွန်တဲ့    ဆက်ဆံရေးကို ထိန်းသိမ်းထားသင့်ပါတယ်။ ဒါမှပဲ ၀ယ်သူက သူ၀ယ်ယူဖို့ အဆင်သင့်ဖြစ်တဲ့အချိန်မျိုး    မှာ ကိုယ့်ကို ၊ကိုယ့်ကုန်ပစ္စည်းကို သတိရပြီး ၀ယ်ယူလာမှာဖြစ်ပါတယ်။ 

ဒီလောက်ဆိုရင်တော့ အရောင်းအတွက် ထိရောက်တဲ့ “Sales Follow up” တွေ လုပ်နိုင်မှာဖြစ်ပြီး ရောင်းအားတွေတက်လာမယ်လို့ ယုံကြည်ပါတယ်။ 

အရောင်းနဲ့ပတ်သတ်တဲ့ ဗဟုသုတတွေဖတ်ရှု့ချင်ရင်တော့ ကျွန်တော်တို့ Better Version Website မှာအချိန်မရွေး ဖတ်ရှု့ လေ့လာနိုင်ပါတယ်။

အရောင်းပိုင်းနဲ့ ဆိုင်တဲ့ သင်တန်းများ စုံစမ်းချင်တယ်ဆိုရင် မက်ဆေ့မှ တစ်ဆင့် စုံစမ်းနိုင်ပါတယ်။

#BetterVersion #MakeYourProgress

 

[ သင်ခန်းစာနဲ့ပတ်သက်ပြီး မေးချင်တာများရှိရင် comment ရေးခဲ့ပါ။ ]

Leave your thought here

Your email address will not be published. Required fields are marked *

Select the fields to be shown. Others will be hidden. Drag and drop to rearrange the order.
  • Image
  • SKU
  • Rating
  • Price
  • Stock
  • Availability
  • Add to cart
  • Description
  • Content
  • Weight
  • Dimensions
  • Additional information
  • Attributes
  • Custom attributes
  • Custom fields
Compare
Wishlist 0
Open wishlist page Continue shopping
Sales Techniques - E book

သင့်ရောင်းအားကို မြှင့်တင်ဖို့ နည်းလမ်းကောင်းတွေပါတဲ့ E-book ကို FREE (အခမဲ့) ရယူပါ။

ကမ္ဘာကျော် ရုပ်ရှင်ကား တစ်ခုဖြစ်တဲ့ “Wolf Of Wall Street” ရဲ့ ပဲ့ကိုင်ရှင် Jorden Belford ရဲ့ အရောင်းပညာရပ်တွေကို ဖတ်ရှုလေ့လာ သင့်လုပ်ငန်းမှာကျင့်သုံးနိုင်ပါတယ်။