Blog

ရောင်းချခြင်းအဆင့်များ (သို့မဟုတ်) Sales cycle

Website Blog (15)
Customer Service / Sales

ရောင်းချခြင်းအဆင့်များ (သို့မဟုတ်) Sales cycle

Sales cycle ဆိုတာ ဝယ်သူတစ်ယောက်က သင်ရောင်းတဲ့ ကုန်ပစ္စည်းကို လာကြည့်တဲ့အချိန်က စလို့ ငွေချေပြီး ဝယ်သွားတဲ့အချိန်ထိ ဝယ်သူနဲ့ သင်နဲ့ကြား ပြောဆိုဆက်သွယ် ဆောင်ရွက်ရတဲ့ အဆင့်တွေကို ပြောတာ ဖြစ်ပါတယ်။ 

အဆင့် ၁) ဆိုင်ဖွင့်ရောင်းနေတယ်ဆိုလည်း ဆိုင်ကို ဝယ်သူလာတဲ့အဆင့်။ Page ကရောင်းနေတယ်ဆိုလည်း သင်တင်တဲ့ post တွေကို လူတွေ ဝင်ကြည့်တဲ့အခြေအနေမျိုး ဖြစ်ပါတယ်။

အဆင့် ၂) စိတ်ဝင်စားသွားပြီး ပစ္စည်းအကြောင်းမေးတဲ့ အဆင့်ဖြစ်ပါတယ်။ ဟိုအရောင်ရှိသေးလား၊ ဒီ size ရှိလား မေးတာမျိုး ဖြစ်ပါတယ်။ သူတို့ရဲ့လိုအပ်ချက်နဲ့ လိုအင်နဲ့ သင့်ကုန်ပစ္စည်းက ကိုက်ညီမှု ရှိရဲ့လားဆိုတဲ့ အဆင့်ဖြစ်ပါတယ်။ 

အဆင့် ၃) ပစ္စည်းကိုတော့ ကြိုက်နေပြီဆိုရင် ဈေးကရော ဘယ်လောက်လဲ။ ၂ ခု ၃ ခု ယူရင် ဘယ်လောကလဲ။ စသည်ဖြင့် ဈေးစကား ပြောပါပြီ။

အဆင့် ၄) ငြင်းပယ်တဲ့အဆင့်။ ဈေးမေးပြီးတော့ ကြိုက်တယ်ဆိုပြီး အရောင်းအဝယ် ဖြစ်သွားရင်တော့ ဒီအဆင့်ကို စဉ်းစားစရာ မလိုတော့ပါဘူး။ တကယ်လို့များ နောက်မှ ပြန်လာမယ်နော်၊ စဉ်းစားလိုက်ဦးမယ်၊ အိမ်နဲ့ တိုင်ပင်လိုက်ဦးမယ်ဆိုရင် သင်ဘာလို့ ချက်ချင်း မဝယ်တာလဲ ဆိုတာကို စဉ်းစားဖို့လိုပါပြီ။

အဆင့် ၅) ညှိနှိုင်းတဲ့အဆင့်။ နောက်မှ ပဲပြန်လာမယ်နော် လို့ ပြောတဲ့သူကို ဘာများဖြစ်လို့လဲ၊ အရောင်မကြိုက်တာလား၊ ဈေးအဆင်မပြေတာလား၊ ပစ္စည်းမကြိုက်လို့လား စသည်ဖြင့် အဆင်ပြေအောင် ညှိနှိုင်းလိုက် နိုင်ရင်တော့ သင့်ဆီကနေ ဝယ်သွားတဲ့ အဆင့်ကို ရောက်သွားပါပြီ။ 

ဒါတွေသည် ယေဘုယျအားဖြင့် အရောင်းဖြစ်စဉ် တစ်ခုမှာကြုံတွေ့ရတဲ့ အဆင့် တွေ ဖြစ်ပါတယ်။ သင်ရောင်းတဲ့ ကုန်ပစ္စည်းက low involvement (ငွေကြေးသုံးစွဲမှုများတဲ့ ပစ္စည်းမျိုးတွေ) လား high involvement (ငွေကြေးသုံစွဲမှု နည်းတဲ့ပစ္စည်းမျိုးတွေ) လား၊ သင့်ဝယ်သူက တစ်ကယ်သုံးစွဲမယ့်သူ (B2C)လား၊ ဝယ်ယူပြီး တစ်ဆင့် ပြန်လည်ရောင်းချမယ့်သူ (B2B) လားပေါ်မှာ မူတည်ပြီးတော့ အဆင့် ကွာခြားချက်တွေတော့ ရှိပါလိမ့်မယ်။ 

ဒီတော့ အရောင်းသမားတွေ အနေနဲ့ ဒီအဆင့်တွေထဲကမှ အဆင့် ၁ မှာတင် ပစ္စည်း အကြောင်းတောင် မမေးတော့ဘဲ ပြန်ထွက်သွားတဲ့ ဝယ်သူတွေ များနေတာလား၊ page မှာ ရောင်းတယ်ဆိုလည်း ဝင်ကြည့်တဲ့သူတွေ များနေတယ် ဘာမှ ဆက်ဖြစ်မလာဘူးဆိုရင် သင်ဘာတွေလုပ်လို့ရမလဲ စဉ်းစားဖို့ လိုပါပြီ။ သင်ရွေးလိုက်တဲ့ segment အတွက် သုံးထားတဲ့စကားလုံး အသုံးအနှုန်း၊ ဆိုင်အပြင်အဆင် က သူတို့နဲ့မကိုက်ညီတာလား။ ဥပမာ- ပစ်မှတ်ထားတာက အသက် ၄၅ ~ ၅၅ အမျိုးသမီး အရွယ်တွေ အတွက် သက်သောင့် သက်သာရှိပြီး elegant ရှိစေမယ့် အဝတ်အစားမျိုး ရောင်းတယ်၊ သုံးထားတဲ့ အရောင်တွေက crazy colour မျိုးတွေ နဲ့ဆိုင်ကို ပြင်ထားတာမျိုး၊ page ဆိုလည်း ဒီလိုပါပဲ သူတို့ရဲ့ စိတ်ဝင်စားမှုကို တက်စေမယ့် အပြင်အဆင်မျိုး မဟုတ်ရင် အဆင့် ၁ မှာတင် ရပ်သွားပါလိမ့်မယ်။ 

ဒီလိုပဲ အဆင့် ၂ မှာ ပစ္စည်းအကြောင်းမေးပြီး ရပ်သွားတဲ့ ဝယ်သူမျိုးတွေရော များနေပြီလား။ သူတို့သည် ဝယ်ဖို့ အဆင်သင့်မဖြစ်သေးတာလဲ ဖြစ်နိုင်သလို၊ ဝယ်ရင်ကောင်းမလား ဆိုပြီး ဝေခွဲမရ ဖြစ်နေတာ မျိုးလည်း ဖြစ်နိုင်ပါတယ်။ ဒီအဆင့်က ဝယ်သူတွေဝယ်ဖို့အတွက်တော့ သင့်ကုန်ပစ္စည်းက ယုံကြည်ရပါတယ်ဆိုတဲ့ credibility ကောင်းတည်ဆောက်တာ မျိုးတွေ လုပ်လို့ရပါမယ်။ တကယ် ဝယ်ယူ သုံးစွဲသွားသူ တွေရဲ့ review တွေ၊ သက်ဆိုင်ရာ အဖွဲ့အစည်း တွေက အသိအမှတ်ပြု လက်မှတ်တွေ ကို ဝယ်သူတွေ သိနေအောင် ပြောဆို တင်ပြတာမျိုးတွေနဲ့ အဆင့် ၃ ထိရောက်လာအောင် ကြိုးစားနိုင်ပါတယ်။ 

အဆင့် ၃ အနေနဲ့ကတော့ ဈေးလည်းပြောလိုက်ရော ဝယ်သွားတယ်ဆိုရင် အောင်မြင်တဲ့ အရောင်းတစ်ခု သင်ဖန်တီးလိုက်နိုင်ပါပြီ။

ဒါပေမယ့် အဆင့် ၄ ဈေးလည်းပြောလိုက်ရော ပျောက်သွားတယ် ဆိုတဲ့ ဝယ်သူတွေ လည်း ရှိပါလိမ့်မယ်။ ဒါဆိုရင် ပြန်သုံးသပ်ဖို့လိုတာက သင့်ကုန်ပစ္စည်းမှာပါတဲ့ feature (အင်္ဂါရပ်တွေ) နဲ့ benefit (ဒီအင်္ဂါရပ်ကြောင့်ရမယ့် အကျိုးရလဒ်) ကိုမြင်အောင် မပြောနိုင်ခဲ့လို့ ဝယ်သူက ဈေးကိုပဲ ကြည့်ပြီး ရမယ့် အကျိုးရလဒ်ကို မမြင်လို့ မဝယ်တာလား၊ ငါဝယ်လိုက်ရင် ဈေးများသွားမလားဆိုတဲ့ စိုးရိမ်ပူပန်ချက် ရှိနေသူမျိုးကို သင့်ကုန်ပစ္စည်းသည် ပြိုင်ဘက်တွေနဲ့ ယှဉ်ရင် ဘာအားသာချက်တွေ ရှိလို့ ဈေးနှုန်းက မြင့်ပါတယ်ဆိုတာကို သိအောင် မပြောနိုင်ခဲ့တာလား သင်ပြန်သုံးသပ်ဖို့ လိုပါပြီ။ 

သင်က အသေးစိတ်လည်း သင့်ကုန်ပစ္စည်းရဲ့ feature တွေ benefit တွေကိုသေချာရှင်းပြနိုင်ခဲ့တယ်။ ယှဉ်ပြိုင်မှု အားသာချက်တွေကိုလည်း သေချာရှင်းပြနိုင်တယ်ဆိုရင် အဆင့် ၅ ညှိနှိုင်းတဲ့ အဆင့်မှာ သင်အားသာဖို့ အခွင့်အလမ်းများပါတယ်။ ဘာ့ကြောင့် ငြင်းရသလဲဆိုတဲ့အကြောင်း အရင်းကို သိအောင် ကြိုးစားတာ မျိုးတွေ၊ ပြီးရင် ၀ယ်သူတွေငြင်းရတဲ့ အကြောင်းရင်းကိုလက်ခံပေးပြီး တစ်ခု ချင်းသေချာရှင်းပြပေးတာမျိုးတွေ၊ လုပ်ငန်းရဲ့ အကျိုးအမြတ်ကိုလည်း မထိခိုက်ဘူးဆိုရင် နှစ်ဦးနှစ်ဖက်် အဆင်ပြေအောင် ညှိနှိုင်းတာမျိုးတွေ နဲ့အောင်မြင်တဲ့ အရောင်းတွေ ဖြစ်ဖို့ ကြိုးစားဖို့လိုပါတယ်။ 

ဒီတော့ မရောင်းရဘူး၊ ရောင်းအားကျလိုက်တာ ဘာလုပ်ရမလဲ လို့တွေးနေမယ့်အစား အရောင်းရတဲ့အဆင့်ထိ မရောက်ဘဲ ဘယ်အဆင့်မှာ ဝယ်သူတွေကရပ်သွားကြလဲ ဘာ့ကြောင့် ဖြစ်နိုင်သလဲ လို့ အရင်သုံးသပ်ကြည့်ပါ။ ထိရောက်တဲ့ အဖြေတစ်ခု ထွက်လာပါလိမ့်မယ်။ 

ပိုကောင်းတဲ့ အနာဂတ်၊ ခိုင်မာတဲ့ အမှတ်တံဆိပ်တွေ တည်ဆောက်ဖို့ Better Version ရှိပါတယ်။

#သင်ထင်ထားတာထက်ပိုပါတယ်။ #တိုးတက်မှုတစ်ခုနေ့စဥ်ပြုပါ။ #MakeYourProgress

Select the fields to be shown. Others will be hidden. Drag and drop to rearrange the order.
  • Image
  • SKU
  • Rating
  • Price
  • Stock
  • Availability
  • Add to cart
  • Description
  • Content
  • Weight
  • Dimensions
  • Additional information
  • Attributes
  • Custom attributes
  • Custom fields
Compare
Wishlist 0
Open wishlist page Continue shopping
အခွင့်အရေးကောင်းတွေ လက်မလွတ်သွားဖို့

43% Off
Only For 1st 100

“Book Order” လို့ မက်ဆင်ဂျာမှာ ရိုက်ပေးပါနော်..

အရောင်းတိုးမယ့် စာအုပ်

ပထမဦးဆုံး အယောက် (၁၀၀) အတွက်သာ