Blog

ကိုယ့်လုပ်ငန်းရဲ့ ၀န်ဆောင်မှု အရည်အသွေးကို တိုင်းတာလို့ရမယ့် ရှုထောင့်(၅)ခု။

ရှထောင့် (၅) ခု
Uncategorized

ကိုယ့်လုပ်ငန်းရဲ့ ၀န်ဆောင်မှု အရည်အသွေးကို တိုင်းတာလို့ရမယ့် ရှုထောင့်(၅)ခု။

စျေးကွက်ထဲမှာ ယှဥ်ပြိုင်မှုတွေ တစ်နေ့တစ်ခြား များပြားလာမှုကြောင့် ကိုယ့်ရဲ့ ၀ယ်သူတွေ၊ ဖောက်သည်တွေအနေနဲ့ ရွေးချယ်စရာတွေ များပြားလာပါတယ်။ စျေးနှုန်းတွေအပြိုင်အဆိုင် လျော့ကြတယ်၊ Promotion တွေအပြိုင်အဆိုင်တွေပေးကြတယ်၊ နည်းမျိုးစုံနဲ့ ၀ယ်သူကို ကိုယ့်ဆီရောက်လာအောင် အပြိုင်အဆိုင်ဆွဲဆောင်ကြတယ်။ ဒီလိုနည်းမျိုးစုံ သုံးနေရဲ့သားနဲ့ ၀ယ်သူတွေ ကိုယ့်ဆီက လာမ၀ယ်ကြတာမျိုး၊ ရှိနေပြီးသား ၀ယ်သူတွေကလည်း ကိုယ်ဆီကနေ မ၀ယ်တော့ပဲ ကိုယ့်ပြိုင်ဘက်တွေဆီရောက်သွားတာမျိုး အစရှိတဲ့ ပြဿနာတွေကို လုပ်ငန်းတွေအနေနဲ့ ရင်ဆိုင်ကြုံတွေ့နေကြပါတယ်။ ဒါတွေက ဘာကြောင့်ဖြစ်နိုင်လဲ။

စဥ်းစားစရာအချက်ကတော့ ကိုယ့်ရဲ့၀န်ဆောင်မှုမှာ ဘာတွေချို့ယွင်းချက်ရှိနေလဲ၊ ဘာတွေလိုအပ်နေလဲ ဆို တဲ့အချက်ပဲဖြစ်ပါတယ်။

၀န်ဆောင်မှုပိုကောင်းလာဖို့အတွက် ဘာတွေပြင်ဖို့လိုအပ်မလဲ၊ ကိုယ့်လုပ်ငန်းရဲ့၀န်ဆောင်မှုကောင်း၊ မကောင်းကို ဘယ်လိုတိုင်းတာလို့ရနိုင်မလဲဆိုတာ ဒီရှုထောင့် ၅ခု နဲ့ တိုင်းတာကြည့်နိုင်ပါတယ်။ ဒီရှုထောင့် ၅ ခု ကို တစ်နည်းအားဖြင့် အတိုကောက်အနေနဲ့ RATER လို့လည်းမှတ်ထားလို့ရပါတယ်။ အဲ့ဒါဆို ၀န်ဆောင်မှုကို ဘယ်လိုတိုင်းတာလို့ရလဲဆိုတာ လေ့လာကြည့်ရအောင်။

၁။ ယုံကြည်အားကိုးလို့ရခြင်း  (Reliable) 

ဒီအချက်ကတော့ ၀ယ်သူတွေအနေနဲ့ ကိုယ့်လုပ်ငန်းကို ယုံကြည်အားကိုးလို့ရနိုင်လားဆိုတဲ့အချက် ဖြစ်ပါတယ်။ ၀ယ်သူကို ကိုယ့်လုပ်ငန်း၊ ၀န်ဆောင်မှုရဲ့ အချက်အလက်တွေပေးတဲ့အခါမှာ ဘယ်လောက် တိကျသေချာမှုရှိလဲ၊ ပြောဆိုတဲ့အခါမှာ ဘယ်လောက်ရှင်းလင်းပြတ်သားမှုရှိလဲဆိုတဲ့အချက်တွေနဲ့ ၀ယ်သူတွေက စဥ်းစားလေ့ရှိပါတယ်။ 

ဥပမာ− အင်တာနက်လိုင်းမကောင်းလို့ ကာစတန်မာ တွေ Complaint တက်တဲ့အခါ “ဟုတ်ကဲ့ပါ အကိုရေ၊ ကျွန်တော်ခဏနေရင် ပြန်ပြောပေးပါမယ်” လို့ပြောတာထက် ဟုတ်ကဲ့ပါရှင့်၊ ကျွန်တော်တို့ ပြန်ပြင်ပေးပါမယ်၊ ကျွန်တော်တို့လိုင်းလေးပြန်စစ်ပေးမှာမိုလို့ နာရီ၀က်လောက်ပဲစောင့်ပေးပါနော် ” ဆိုပြီး အတိအကျ ပြောတဲ့အခါ ကာစတန်မာတွေအနေနဲ့ စိတ်ထဲကမကျေနပ်ပေမယ့်လည်း တကယ်လုပ်ပေးနေတာပဲဆိုတဲ့စိတ် ခံစားရတဲ့အတွက် ၀ယ်သူရဲ့ စိတ်ချယုံကြည်မှုကိုရရှိမှာဖြစ်ပါတယ်။ 

၂။ ကျွမ်းကျင်မှုရှိခြင်း (Assurances)

နောက်တစ်ချက်အနေနဲ့ကတော့ စိတ်ချယုံကြည်ရမှု၊ လုပ်ငန်းအပေါ်ကျွမ်းကျင်မှုနဲ့ သက်ဆိုင်ပါတယ်။ ဒါကြောင့် ၀န်ဆောင်မှုပေးနေတဲ့သူတွေအနေနဲ့ ကိုယ့်လုပ်ငန်းကို ဘယ်လောက်ကျွမ်းကျင်တယ်၊ ကိုယ့်လုပ်ငန်းစဥ်ကို ဘယ်လောက်ကျွမ်းကျင်တယ် ဆိုတာကိုပြဖို့ လိုအပ်ပါတယ်။ 

ဥပမာ− ဖုန်းဆိုင်ကို ဖုန်း၀ယ်ဖို့သွားတယ်။ ရှင်းပြပေးတဲ့ ၀န်ထမ်းက ဖုန်းအမျိုးအစားကိုလည်းမသိ၊ ရောင်းနေတဲ့ဖုန်းရဲ့ အားသာချက်၊ အားနည်းချက်တွေကိုလည်းမသိဘူးဆိုရင် ၀ယ်သူတွေအနေနဲ့ မ၀ယ်တော့ဘဲ ပြန်လှည့်ပြန်သွားတာမျိုးတွေဖြစ်တတ်ပါတယ်။ နောက်တစ်ချက်က ယဥ်ကျေးပျူငှာဖို့ အရေးကြီးပါတယ်။ ဥပမာ− ၀ယ်သူတွေ Complaint တက်တဲ့အခါ ဖြေရှင်းမယ့်အစား ရိုင်းပြတဲ့အမူအယာ၊ စိတ်မရှည်တဲ့ အမူအယာ ဆိုရင် ၀ယ်သူတွေအနေနဲ့ ကိုယ့်၀န်ဆောင်မှု၊ ကိုယ့်ကုန်ပစ္စည်းကို ဘယ်တော့မှ လှည့်ကြည့်တော့မှာမဟုတ်ပါဘူး။

၃။ ၀ယ်သူတွေ ထိတွေ့ကြားမြင်ခံစားနိုင်မယ့်အရာတွေ (Tangibles)

ဒီအချက်ကတော့ ကိုယ့်၀ယ်သူတွေ အမြဲထိတွေ့နိုင်၊ ကြားမြင်နိုင်၊ ခံစားနိုင်မယ့်အရာတွေ မှန်သမျှသည် ကောင်းနေရပါမယ်။ ကိုယ့်လုပ်ငန်းမှာ ၀ယ်သူတွေအတွက် မြင်သာထင်သာရှိနိုင်မယ့်အရာတွေအားလုံးက ကောင်းနေရပါမယ်။ ဥပမာ − စားသောက်ဆိုင်တစ်ခုအနေနဲ့ ဥပမာပေးရမယ်ဆိုရင် ၀ယ်သူက ဆိုင်ထဲ၀င်လိုက်တာနဲ့ သန့်ရှင်း သပ်ရပ်ရဲ့လား၊ သုံးထားတဲ့ ပန်ကန်းတွေ၊ဇွန်းတွေကတော့ သန့်ရှင်းရဲ့လား၊ ကိုယ့်၀န်ထမ်းတွေကရော သပ်သပ်ရပ်ရပ်၀တ်စားထားရဲ့လာ၊ Menu ကိုသေချာလေးလုပ်ထားလား အစသဖြင့် ၀ယ်သူတွေအတွက် မြင်သာထင်သာရှိမယ့်အရာတွေအားလုံးကို ကြည့်ရမှာဖြစ်ပါတယ်။ 

၄။ စာနာမှုရှိခြင်း (Empathy)

ပြောရဆိုရလွယ်ကူမှု၊ ဆက်ဆံရေးကောင်းမွန်မှု၊ ၀ယ်သူအပေါ်မှာ နားလည်မှု တွေကလည်း ကိုယ့်ရဲ့ ၀န်ဆောင်မှု ကောင်းမကောင်း တိုင်းတာတဲ့နေရာမှာ အရေးကြီးတဲ့အချက်ပဲဖြစ်ပါတယ်။ ကိုယ့်လုပ်ငန်းမှာ ၀န်ဆောင်မှုကိုတာ၀န်ယူထားတဲ့သူတွေအနေနဲ့ ၀ယ်သူတစ်ခုခုပြောတဲ့အခါမှာ သေချာနားထောင်တယ်၊ ဆက်ဆံရေးကောင်းမွန်တယ်၊ ၀ယ်သူအပေါ်မှာနားလည်တယ်၊ ၀ယ်သူက ဘာကို Complaint တက်နေလဲဆိုလည်း သေချာနားလည်တယ်ဆိုရင် ၀ယ်သူတွေဆီက စိတ်ကျေနပ်မှုရရှိပြီး ကိုယ့်ဆီပဲ ထပ်ကာထပ်ကာ ပြန်၀ယ်မှာ အသေအချာပဲဖြစ်ပါတယ်။

၅။ မြန်ဆန်ခြင်း နှင့် အကူအညီ ဖြစ်ခြင်း (Reponsiveness)

နောက်ဆုံးအချက်ကတော့ တုံ့ပြန်မှု ဘယ်လောက်မြန်ဆန်လဲဆိုတဲ့ အချက်ပဲဖြစ်ပါတယ်။ ပြဿနာတစ်ခုတက်လာရင် ဘယ်လောက်ထိ မြန်မြန်ဆန်ဆန်ဖြေရှင်းနိုင်လဲ၊ ဖုန်းဆက်ရင် ချက်ချင်းကိုင်လား၊ မက်ဆေ့ပို့ရင် ဘယ်နာရီအတွင်း ပြန်လဲ၊ နောက်တစ်ချက်က ၀ယ်သူသိချင်တာကို သေချာလေးပြန်ဖြေပေးလား၊ အစရှိတဲ့အချက်တွေနဲ့ တိုင်းတာလို့ရပါတယ်။ 

ဒီရှုထောင့် ၅ခုကိုလေ့လာပြီးတဲ့အခါမှာ ကိုယ့်လုပ်ငန်းပေါ်မူတည်ပြီး ကိုယ့်ရုံး၊ ကိုယ့်လုပ်ငန်းရဲ့ ၀န်ဆောင်မှုတွေမှာ ဘယ်အချက်တွေနဲ့ ကိုက်ညီမှုရှိလဲ၊ ကိုယ့်၀န်ဆောင်မှုက ဘယ်နေရာမှာရှိနေလဲ ဆိုတာ စဥ်းစားဆုံးဖြတ်ပြီး ပိုကောင်းအောင် ဘယ်လိုလုပ်နိုင်မလဲဆိုတဲ့ နည်းလမ်းတွေစဥ်းစားနိုင်မှာဖြစ်ပါတယ်။

ကိုယ့်ရဲ့လုပ်ငန်း ဝန်ဆောင်မှု ပိုကောင်းအောင် လုပ်နိုင်ဖို့အတွက်ဆိုရင်တော့ ကျွန်မတို့ Better Version မှ “ Better Customer Services” အတန်းရှိပါတယ်။ သင်တန်းအသေးစိတ်ကို BCS လို့ မက်ဆေ့ပို့ပြီး စုံစမ်းနိုင်ပါတယ်။ 

​​ပိုကောင်းတဲ့ အနာဂတ်၊ ခိုင်မာတဲ့ အမှတ်တံဆိပ်တွေ တည်ဆောက်ဖို့ Better Version ရှိပါတယ်

#သင်ထင်ထားတာထက်ပိုပါတယ် #တိုးတက်မှုတစ်ခုနေ့စဥ်ပြုပါ #MakeYourProgress

Select the fields to be shown. Others will be hidden. Drag and drop to rearrange the order.
  • Image
  • SKU
  • Rating
  • Price
  • Stock
  • Availability
  • Add to cart
  • Description
  • Content
  • Weight
  • Dimensions
  • Additional information
  • Attributes
  • Custom attributes
  • Custom fields
Compare
Wishlist 0
Open wishlist page Continue shopping
အခွင့်အရေးကောင်းတွေ လက်မလွတ်သွားဖို့

43% Off
Only For 1st 100

“Book Order” လို့ မက်ဆင်ဂျာမှာ ရိုက်ပေးပါနော်..

အရောင်းတိုးမယ့် စာအုပ်

ပထမဦးဆုံး အယောက် (၁၀၀) အတွက်သာ