Blog

ဝယ်သူတွေရဲ့ စိတ်ဝင်စားမှုကိုရဖို့ ဈေးနှုန်းသတ်မှတ်နိုင်မယ့် နည်းလမ်း ၅ ခု

Website Blog - Five Ways
Marketing / Sales

ဝယ်သူတွေရဲ့ စိတ်ဝင်စားမှုကိုရဖို့ ဈေးနှုန်းသတ်မှတ်နိုင်မယ့် နည်းလမ်း ၅ ခု

ဝယ်သူတွေရဲ့ စိတ်ဝင်စားမှုကိုရဖို့ ဈေးနှုန်းသတ်မှတ်နိုင်မယ့် နည်းလမ်း ၅ ခု 

ကုန်ပစ္စည်းတစ်ခုထုတ်တဲ့အခါ ဈေးနှုန်းသတ်မှတ်တာမှားရင် မြတ်သင့်သလောက် မမြတ်တာမျိုး၊​ ဝယ်သူတွေရဲ့ စိတ်၀င်စားမှုကိုမရတာမျိုး၊ ဈေးကွက်မှာ ယှဥ်ပြိုင်နိုင်စွမ်း မရှိလို့ ထင်သလောက် မပေါက်တာမျိုးတွေဖြစ်တတ်ပါတယ်။ 

နောက်တစ်ခုက ဈေးနှုန်းသတ်မှတ်တဲ့နေရာမှာ နားလည်ထားသင့်တဲ့ Psychology of Pricing ဆိုတာရှိပါတယ်။ ပစ္စည်းတစ်ခုရဲ့ ဈေးနှုန်းကိုမြင်တဲ့အခါ ရှိတတ်တဲ့ လူတွေရဲ့ အတွေး၊ အမြင်၊  သဘောထားတွေဖြစ်ပါတယ်။

ဒီအချက်တွေကို နားလည်ထားတဲ့အခါကြတော့ သင့်အနေနဲ့ ဝယ်သူတွေရဲ့ စိတ်ဝင်စားမှုကို ရဖို့ ဘယ်လို ပုံစံနဲ့ ဈေးနှုန်း သတ်မှတ်ချက်တွေ ဖန်တီးနိုင်မလဲ ဆိုတာကို နားလည်သွားတာပေါ့။ 

ဒီတော့ Psychology of Pricing မှာပါတဲ့ အချက်တွေကို လေ့လာကြည့်ရအောင်။ 

၁) Price-Quality perception (ဈေးနှုန်းနဲ့ ကွာလတီပေါ်မှာရှိတဲ့ ဝယ်သူတွေရဲ့အတွေး)

ဒီအချက်က အရောင်းသမားတွေ၊ မားကတ်တင်းသမားတွေ နားလည်ထားသင့်တဲ့၊ အရေးကြီးတဲ့ အချက်တစ်ခု ဖြစ်ပါတယ်။ လူတွေမှာ ဈေးအရမ်းသက်သာလွန်းနေ​ရင် ကွာလတီက စိတ်ချရပါ့မလား၊ သိပ်ကောင်းမှာ မဟုတ်လောက်ပါဘူး ဆိုတဲ့ အတွေး ရှိတတ်ကြပါတယ်။ 

ဒါကြောင့် ဈေးအသက်သာဆုံး ဆိုတာမျိုးဖန်တီးမယ့် အစား ပေးရတဲ့ဈေးနဲ့တန်တဲ့ ဝန်ဆောင်မှု၊ ကွာလတီ မျိုးပြန်ပေးနိုင်တဲ့ ပစ္စည်းမျိုး ဖန်တီးပြီး ထိုက်တန်တဲ့ ဈေးနှုန်းသတ်မှတ်ချက် လုပ်လို့ ရပါတယ်။ 

၂) Limited edition (ရှားပါးမှုပေါ်မှာ ထားတဲ့ ဝယ်သူတွေရဲ့ သဘောထား)

အချို့ brand တွေမှာ သင်တွေ့ဖူးမှာပေါ့။ အခု ၂၀ ပဲထုတ်တယ်။ ဒါပေမယ့် ကွာလတီက ပုံမှန်ထက် ဒီ feature (အင်္ဂါရပ်တွေ) ပိုသာတယ်။  limited edition ဆိုပြီးတော့ပါ။ ဈေးကလည်း ပုံမှန်ထက် ပိုမြင့်တဲ့ နှုန်းထားနဲ့ ကောင်းကောင်းယူလိုက်တာမျိုးဖြစ်ပါတယ်။ ကန့်သတ်ချက်နဲ့ ထုတ်တဲ့အရာ တစ်ခုကို ပိုင်တယ်ဆိုတဲ့ ခံစားချက်မျိုး ပေးပြီး ဝယ်သူရဲ့ စိတ်ဝင်စားမှုကို ရအောင် လုပ်တာမျိုး ဖြစ်ပါတယ်။ 

ဥပမာ_ ကျွန်တော်တို့ Better Version မှာဆိုလည်း တစ်ခါတစ်လေ “လူအယောက် ၂၀ ပဲ လက်ခံသည်” ဆိုတဲ့ အတန်းမျိုးတွေ ဖွင့်တတ်ပါတယ်။ management level အတွက် အတန်းတွေ ဆိုရင် discussion တွေတအားများလို့ အချိန် အများကြီးပေးရတဲ့အတွက် ကန့်သတ်ဦးရေ နဲ့ပဲ လက်ခံ လိုက်တာမျိုး ဖြစ်ပါတယ်။ ဒီလိုကန့်သတ်ချက်နဲ့ ရှားပါးမှုကို ပြတဲ့ မက်ဆေ့မျိုးကို ပြင်အောင် ကြော်ငြာပြီးလည်း ထိုက်တန်တဲ့ ဈေးနှုန်း သတ်မှတ်ချက် လုပ်လို့ရပါတယ်။ 

၃) Limited time (urgent အခြေအနေ တစ်ခုပေါ်မှာ ရှိတဲ့ဝယ်သူတွေရဲ့ အတွေး)

လူတွေမှာ fomo (fear of missing out) လို့ခေါ်တဲ့ ငါများ ကျန်ခဲ့မလားဆိုပြီး အတွေးမျိုးတွေ ရှိပါတယ်။ ဒါကိုအခု မဝယ်ရင် ငါဈေးသက်သက်သာသာ ရတဲ့ထဲ မပါတော့ဘူးပေါ့ ဆိုတဲ့ စိုးရိမ် ပူပန်မှုမျိုး ဖြစ်ပါတယ်။ 

ဒီအချက်ကို နားလည်ထားမယ်ဆိုရင် ကျွန်တော်တို့က ဈေးနှုန်းသတ်မှတ်တဲ့နေရာမှာ “ဒီရက်အတွင်းပဲ ဒီဈေးနဲ့ရမယ်” တို့ “ဒီအပတ်အတွင်းပဲ ဒီဈေးပေးတာ” တို့စတဲ့ urgent အခြေအနေ တစ်ခုကို ဖန်တီးတဲ့ မက်ဆေ့မျိုး ပေးပြီးလည်း ဈေးနှုန်း သတ်မှတ်လို့ရပါသေးတယ်။

၄) Buyer’s perception on numbers (ကိန်းဂဏန်းတွေ အပေါ်မှာ လူတွေရဲ့အမြင်)

ဆိုပါစို့ ၁၉၉ နဲ့ ၂၀၀ ဆိုတာ ဘာမှ မကွာပါဘူး။ ဒါပေမယ့် လူတွေက ၀၀ နဲ့ ဆုံးတဲ့ ၂၀၀ လို ဂဏန်းမျိုးဆိုရင် ရာပြည့်ကြီး တစ်ခါထဲ တန်းမြင်တတ်ပြီး ရှေ့က ၂ ကိုပဲ သတိကြား ကြည့်မိ တတ်ကြပါတယ်။ ၁၉၉ မှာဆိုရင် ၁ ကိုပဲ အဓိကမြင်ပြီး ပိုသက်သာတယ်လို့ ထင်တတ်ကြပါတယ်။ တစ်ခါ တစ်လေ ဆိုတွေ့ဖူးမှာပေါ့ 99.99 USD ဆိုတဲ့  ဈေးနှုန်းမျိုး။ 

နောက်တစ်ခုက ဂဏန်းအလုံးရေ ဖြစ်ပါတယ်။ ၉၉၇ နဲ့ ၁၀၀၀ မှာကွာခြားမှု နည်းပေမယ့် ဝယ်သူတွေ အမြင်မှာ ဂဏန်း ၃ လုံးနဲ့ ၄ လုံးဖြစ်နေတာကြောင့် ဂဏန်း  ၃ လုံးက နည်းတယ်ဆိုတဲ့ အတွေးမျိုး၊ သက်သာတယ်ထင်တယ်ဆိုတဲ့ အတွေးမျိုး ဝင်တတ်ပါတယ်။ ဒါ့ကြောင့် သင့်အနေနဲ့ လည်းဈေးနှုန်းသတ်မှတ်တဲ့အခါ သင့်ကုန်ပစ္စည်းရဲ့ အနေအထားပေါ် မူတည်ပြီး ဝယ်သူတွေဆီက စိတ်ဝင်စားမှုကို ပိုရစေတဲ့ ကိန်းဂဏန်းမျိုး နဲ့ ဈေးနှုန်းသတ်မှတ်နိုင် ဖို့စဉ်းစားသင့်ပါတယ်။ 

၅) Just noticeable difference (မသိမသာ ပြောင်းလဲမှုပေါ်မှာ ရှိတဲ့လူတွေရဲ့ သဘောထား)

ဒီအချက်ကတော့ သင့်ကုန်ပစ္စည်းကို ဈေးနှုန်းမြှင့်ချင်တဲ့အခါ၊ ဈေးတက်ချင်တဲ့အခါ မှာသုံးလို့ရပါတယ်။ သင်က ဈေးနှုန်းမြှင့်ချင်တဲ့အခါ ဥပမာ ၁၀၀ ရောင်းနေတဲ့ ပစ္စည်းတစ်ခုကို ၂၀၀ ဆိုပြီး တက်လိုက်ရင် ဝယ်သူက ချက်ချင်း သတိထားမိပြီး ဈေးများသွားလိုက်တာလို့ မြင်တတ်ကြပါတယ်။ ဒါပေမယ့် ၁၀၀ ကနေ ၁၁၅ ဖြစ်သွားတဲ့အခါ ဝယ်သူစိတ်ထဲမှာ သတိထားမိသွားရင်တောင် သိပ်မကွာ သွားပါဘူးလေ ဆိုတဲ့အတွေးမျိုး ဝင်တတ်ပါတယ်။ 

ဒါကြောင့် သင့်ရဲ့ ကုန်ပစ္စည်းကို ဈေးနှုန်းမြှင့်ချင်တဲ့အခါ တစ်ခါထဲ ဈေးအများကြီး တင်လိုက်တာမျိုးထက် ယခင်ဈေးထက် ၁၅% ကနေ ၂၀ % ကြား ဖြည်းဖြည်းချင်းစီ မြှင့်လိုက်တဲ့ နည်းလမ်းမျိုး စဉ်းစားလို့ရပါတယ်။ 

ဈေးနှုန်းတွေအပေါ်မှာရှိတဲ့ လူတွေရဲ့အမြင်သဘောထားတွေ ပေါ်မှာ အခြေခံပြီး စိတ်ဝင်စားမှု ပိုရဖို့ ဘယ်လို နည်းလမ်းတွေနဲ့ ဈေးနှုန်း သတ်မှတ်ချက်တွေ လုပ်လို့ရနိုင်လဲ ဆိုတဲ့ idea ရသွားရင် သင့်လုပ်ငန်းမှာ လက်တွေ့ စမ်းသုံးကြည့်လိုက်ပါ။  လုပ်ခဲ့ဖူးတဲ့ နည်းလမ်းတွေရှိရင်လဲ ကွန်မန့်ရေးခဲ့ပါဦး။

တကယ်လို့များ သင့်လုပ်ငန်းအတွက်၊ အသစ်ထုတ်မယ့် ကုန်ပစ္စည်းအတွက် မှန်ကန်ထိရောက်တဲ့ marketing strategy စဉ်းစားဖို့ လိုနေတယ်ဆိုရင် Better Version ကဖွင့်တဲ့ Practical Marketing Strategy အတန်းကို တက်ရောက်ဖို့ ဖိတ်ခေါ်ပါတယ်။

ဒီ သင်တန်းမှာဆိုရင် မားကတ်တင်းအခြေခံသဘောတရားတွေ၊ Business strategy တွေလေ့လာပြီး Competitive advantages တွေဘယ်လိုရှာမလဲ။ marketing plan ဆွဲတတ်ဖို့ သိထားသင့်တဲ့ အချက်တွေ၊ နောက်တစ်ခုက Branding နဲ့ differentiation အပိုင်း၊ marketing plan ဆွဲတဲ့အခါ product, price, promotion နဲ့ distribution အကြောင်းတွေကို ကိုယ်ကုန်ပစ္စည်း၊ ၀န်ဆောင်မှုပေါ်မူတည်ပြီး မှန်မှန်ကန်ကန်နဲ့ မားကတ်တင်းမဟာဗျူဟာချမှတ်နိုင်ဖို့၊ digital strategy တွေလည်း ဘယ်လိုလုပ်နိုင်မလဲ၊ marketing plan တစ်ခုရလာပြီးတဲ့အချိန်မှာလည်း ဘယ်လို ရလာဒ်တွေကိုတိုင်းမလဲ၊ Control လုပ်နိုင်မလဲ စတာတွေကို အသေးစိတ်လေ့လာရမှာ ဖြစ်လို့ အများကြီး အထောက် အကူဖြစ်မှာပါ။

သင်တန်းအပ်ဖို့အတွက် အခုပဲ Messenger (or) 09424638380 ကတဆင့် ဆက်သွယ်လိုက်ပါ။

#betterversion #makeyourprogress #morethanyouthink #psychologyoofpricing

[ သင်ခန်းစာနဲ့ပတ်သက်ပြီး မေးချင်တာများရှိရင် comment ရေးခဲ့ပါ။ ]

Leave your thought here

Your email address will not be published. Required fields are marked *

Select the fields to be shown. Others will be hidden. Drag and drop to rearrange the order.
  • Image
  • SKU
  • Rating
  • Price
  • Stock
  • Availability
  • Add to cart
  • Description
  • Content
  • Weight
  • Dimensions
  • Additional information
  • Attributes
  • Custom attributes
  • Custom fields
Compare
Wishlist 0
Open wishlist page Continue shopping
I got Better offer

အောက်တိုဘာ ၁၅ ရက်နေ့ မတိုင်ခင်ထိ "BVM30" ကုဒ် အသုံးပြုပြီး Special Offer ၃၀% ရယူပါ။