Blog

၀ယ်သူ၊ ဖောက်သည်တွေရဲ့ ယုံကြည်မှုရရှိဖို့ B2B အရောင်းသမားများ ဘာတွေပြင်ဆင်ထားသင့်သလဲ။

B2B
Sales

၀ယ်သူ၊ ဖောက်သည်တွေရဲ့ ယုံကြည်မှုရရှိဖို့ B2B အရောင်းသမားများ ဘာတွေပြင်ဆင်ထားသင့်သလဲ။

၀ယ်သူဖောက်သည်တွေက ၀ယ်ယူဖို့ဆုံးဖြတ်ချက်ချတဲ့ အခါ ကုန်ပစ္စည်းနဲ့ ပတ်သက်တဲ့ စိုးရိမ်စိတ်တွေရှိကိုရှိကြပါတယ်။ ငါဝယ်လိုက်ရင် မှားသွားမလား။ ရုံးနဲ့ ကိုက်ပါ့မလား။ ပြန်ရောင်းတဲ့ လူဆိုလဲ​ ငါ့ဆိုင်မှာ ရောင်းမထွက်ဘဲ ကျန်နေရင် ဘယ်လို လုပ်မလဲ စသည်ဖြင့် စိုးရိမ်စိတ်တွေ ရှိကြပါတယ်။ 

ကိုယ့်ရောင်းတဲ့ကုန်ပစ္စည်းပေါ်မူတည်ပြီး စိုးရိမ်မှုတွေက အနည်း၊ အများ ကွာခြားသွားပါတယ်။ ၀ယ်သူက စိုးရိမ်စိတ်တွေကို ပိုများလာလေလေ၊ ကိုယ့်ကို ယုံကြည်လာဖို့ ပိုပြီးခက်ခဲလေလေပဲ ဖြစ်ပါတယ်။ အထူးသဖြင့် B2B sales  ပိုင်းမှာဆို ဖြစ်တတ်လေ့ရှိပါတယ်။ ၀ယ်သူတွေအနေနဲ့ ၀ယ်သူရဲ့လုပ်ငန်းတစ်ခုလုံးအတွက် risk တွေအများကြီး ယူထားတဲ့အတွက်ကြောင့် ဆုံးဖြတ်ချက်ချဖို့ ခက်ခဲပါတယ်။ 

ဒါကြောင့် B2B sales မှာ ၀ယ်ယူဖို့ဆုံးဖြတ်ချက်ချတဲ့အခါ ၀ယ်သူတွေရဲ့ စိတ်ထဲ ဘယ်လိုစိုးရိမ်မှုတွေ risk တွေရှိမလဲ ဆိုတာလေ့လာကြည့်ရအောင်။ တဆက်ထဲမှာပဲ ဒီ စိုးရိမ်ပူပန်မှုတွေကို လျှော့ချနိုင်ဖို့ ဘာတွေပြင်ဆင်သင့်လဲဆိုတာကိုပါ အကြံပေးထားပါတယ်။

၁။ ပုဂ္ဂိုလ်ရေးနဲ့ ပတ်သက်တဲ့ စိုးရိမ်မှု (Personal Risk)

ဒီ စိုးရိမ်မှု ကတော့ အရောင်းသမားတစ်ယောက်က ကုန်ပစ္စည်းတစ်ခုကိုလာရောင်းတဲ့အခါမှာ  ” ငါဒီလူကို ယုံကြည်လို့ရပါ့မလား” ဆိုတဲ့ စိုးရိမ်စိတ်ပဲဖြစ်ပါတယ်။ ဒါကိုကျော်လွှားဖို့အတွက်ဆိုရင် သူတို့ကို ကိုယ်ဘယ်လောက် ဂရုစိုက်ကြောင်း ပြသရပါမယ်။ ၀ယ်သူတွေကို ဂရုစိုက်ကြောင်းပြဖို့ဆိုရင် ၀ယ်သူတွေရဲ့ စိတ်၀င်စားမှုကို သိအောင်လုပ်၊ ၀ယ်သူပြောတာကို စိတ်လိုလက်ရနားထောင်၊ ၀ယ်သူအတွက် ဘယ်လိုအကျိုးကျေးဇူးတွေရသွားမလဲ ဆိုတာကို ထည့်ပြောပေးရမှာဖြစ်ပါတယ်။ 

၂။ အရည်အသွေးနဲ့ ပတ်သက်တဲ့ စိုးရိမ်မှု (Functional Risk)

ဒီ စိုးရိမ်မှုကတော့ သင့်ထုတ်ကုန် သို့မဟုတ် ဝန်ဆောင်မှုရဲ့ အရည်အသွေးကို မယုံကြည်လို့ မျှော်လင့်ထားသည့်အတိုင်း အလုပ်မလုပ်မှာ ကို စိုးရိမ်ခြင်းဖြစ်ပါတယ်။ ဒီ စိုးရိမ်မှုတွေကို ဖြေရှင်းဖို့အတွက်ဆိုရင် ကိုယ့်ကုန်ပစ္စည်းနဲ့ ပတ်သက်တဲ့ ထောက်ခံချက်တွေ၊၊ certificate တွေနဲ့ ကိုယ့်ကုန်ပစ္စည်းကို ဘယ်ကုမ္ပဏီကြီးတွေမှာ သုံးနေပါတယ်ဆိုတာကို ချက်ကျလက်ကျရှင်းပြနိုင်ရင် ၀ယ်သူရဲ့ စိုးရိမ်စိတ်၊ ငြင်းဆန်မှုတွေကို ကျော်လွှားနိုင်မှာ ဖြစ်ပါတယ်။

နာမည်ကြီး ဒီအဖွဲ့အစည်းကတောင် အသိအမှတ်ပြုထားတာ စိုးရိမ်စရာတော့ မရှိပါဘူးဆိုပြီး ဝယ်ယူသုံးစွဲဖို့ ဆုံးဖြတ်ချက်မြန်မြန်ဆန်ဆန် ချစေနိုင်ပါတယ်။ ဒါကြောင့် သင်ရောင်းနေတဲ့ ဈေးကွက်မှာရှိတဲ့ လွမ်းမိုးနိုင်တဲ့ အဖွဲ့အစည်းတွေက ပေးတဲ့ လက်မှတ်မျိုးတွေကိုလည်း ရအောင် ကြိုးစားထားသင့်ပါတယ်။ ပြီးရင် ဒါတွေကို ဝယ်သူမြင်အောင် သင့် website မှာပြထားတာ၊ page မှာ ပြထားတာတွေ လုပ်လို့ရပါတယ်။ 

တကယ်လို့ သင်ရောင်းတဲ့ ကုန်ပစ္စည်းက ဒီလိုမျိုး အသိအမှတ်ပြုလက်မှတ်တွေ ယူစရာမလိုတဲ့ အနေအထားမျိုးဆိုလည်း သင့်ရဲ့ page မှာ ဝယ်သူတွေရဲ့ review တွေ၊ feedback တွေနဲ့ rating တွေကို သိသာမြင်သာအောင် ပြထားတာမျိုးလုပ်ထားလို့ရပါတယ်။ 

၃။ ငွေကြေးနဲ့ ပတ်သက်တဲ့ စိုးရိမ်မှု (Financial risk)

နောက်ဆုံးကတော့ ဒီကုန်ပစ္စည်း၊ ၀န်ဆောင်မှုက တကယ်ပဲ ​​ပေးရတဲ့စျေးက တန်ရဲ့လားဆိုတဲ့ စိုးရိမ်မှုပဲဖြစ်ပါတယ်။ ဒါကို လျှော့ချဖို့အတွက်ဆိုရင် ကိုယ့်ကုန်ပစ္စည်းအကြောင်း နဲ့ စျေးနှုန်းကို တင်ဆက်တဲ့အခါ မှန်ကန်တဲ့ အချက်အလက်တွေပဲ ​ဝေမျှဖို့လိုပါတယ်။ ၀ယ်သူတွေ အရောင်းသမားတွေကို ယုံကြည်လာရတဲ့အချက်က ပွင့်လင်းမြင်သာမှုရှိခြင်း (transparency) ကြောင့်ဖြစ်ပါတယ်။ သင့်ရဲ့ ၀ယ်သူ ယုံကြည်စေချင်တယ်ဆိုရင် ကိုယ့်ကုန်ပစ္စည်းရဲ့ ကုန်ကျစရိတ်နဲ့ ပတ်သက်ပြီး ပွင့်လင်းမြင်သာမှုရှိစေရန် လိုအပ်ပါတယ်။ 

ဥပမာ − သင် မီးစက်ရောင်းတယ်ဆိုပါစို့။ သင်ရောင်းတဲ့ မီးစက်က စျေးကွက်ထဲမှာ စျေးနည်းနည်းများတယ်။ ဒါပေမယ့် ကိုယ့်ရဲ့ကုန်ပစ္စည်းက အခြားထက် ဆီစားသက်သာတယ်ဆိုတဲ့ အားသာချက်ရှိတယ်။ ၀ယ်သူကစျေးများတဲ့လို့ပြောတဲ့အခါမှာ အရောင်းသမားအနေနဲ့ စျေးမများပါဘူးလို့ ၀ယ်သူကို ပြန်ခံငြင်းမယ့်အစား “ဟုတ်တယ် အကိုရေ၊ စျေးကတော့နည်းနည်းများတယ်၊ ဘာဖြစ်လို့လဲဆိုတော့လေ ကျွန်တော်တို့စက်က အခြားစက်တွေထက် ၃၀%လောက် ဆီစားသက်သာပါတယ်။ အခြားproduct တွေက တစ်လ ၁၀ဂါလံကုန်ရင်  ကျွန်တော်တို့စက်နဲ့ဆိုရင်တော့ ၇ဂါလံလောက်ပဲ ကုန်တယ်။ အဲ့တော့ ရေရှည်ကျရင်  အကိုလုပ်ငန်းအတွက်ကုန်ကျစရိတ်တွေ အများကြီးသက်သာသွားတာပေါ့နော်။” စသဖြင့်သေချာလေးတွက်ချက်ပြနိုင်ရင် ကုန်ကျစရိတ်နဲ့ပတ်သက်ပြီး မြင်သာအောင် ရှင်းပြတဲ့အခါ ယုံကြည်မှုရရှိရုံသာမက ၀ယ်ယူဖို့ ဆုံးဖြတ်ချက်ကိုလည်း ဖြစ်စေပါတယ်။ 

၀ယ်သူအများစုက ဘာကြောင့် ငြင်းဆိုသလဲ ။ ကိုယ့်ကိုမယုံကြည်တာလား၊ ကုန်ပစ္စည်းကို မယုံကြည်တာလား၊ စျေးကြီးနေတယ် ထင်တာလား ဆိုတာကို သေချာခွဲခြားသိမြင်တဲ့အခါ Sales presentation လုပ်တဲ့ အခါ အဲ့အချက်တွေကို ဘယ်လိုဖြည့်ပြီးပြောသွားလို့ရလဲဆိုတာ စဥ်းစားလို့ရကောင်း ရနိုင်ပါတယ်။ 

ဒီ စိုးရိမ်မှုတွေက ၀ယ်သူက မ၀ယ်ရတဲ့ အကြောင်းအရင်းလည်းဖြစ်နိုင်သလို ၀ယ်ယူရတဲ့ အကြောင်းအရင်း ဒီထဲမှာရှိနေနိုင်ပါတယ်။ ဒါကြောင့် B2B အရောင်းသမားတွေအနေနဲ့ sales meeting တွေ presentation တွေလုပ်တော့မယ်ဆိုရင် ဒီအခြေခံသုံးချက်ပေါ်မူတည်ပြီး ၀ယ်သူတွေဘယ်လိုမျိုးတွေ ငြင်းဆိုလေ့ရှိလဲ ဆိုတာ ကြိုတင်လေ့လာ၊ ပြီးရင် ဘယ်လိုဖြေရှင်းလို့ရမလဲဆိုတာ ကြိုတင်လေ့ကျင့်ဖို့ လိုအပ်ပါတယ်။ 

မိတ်ဆွေများအတွက် အသုံး၀င်တယ်ဆိုရင် ဒီပိုစ့်ကို တစ်ခြားသူတွေအတွက်လည်း share ပေးလိုက်ပါဦး။ 

ပိုကောင်းတဲ့ အနာဂတ်၊ ခိုင်မာတဲ့ အမှတ်တံဆိပ်တွေ တည်ဆောက်ဖို့ Better Version ရှိပါတယ်။

#သင်ထင်ထားတာထက်ပိုပါတယ်#တိုးတက်မှုတစ်ခုနေ့စဥ်ပြုပါ#MakeYourProgress

Select the fields to be shown. Others will be hidden. Drag and drop to rearrange the order.
  • Image
  • SKU
  • Rating
  • Price
  • Stock
  • Availability
  • Add to cart
  • Description
  • Content
  • Weight
  • Dimensions
  • Additional information
  • Attributes
  • Custom attributes
  • Custom fields
Compare
Wishlist 0
Open wishlist page Continue shopping
အခွင့်အရေးကောင်းတွေ လက်မလွတ်သွားဖို့

43% Off
Only For 1st 100

“Book Order” လို့ မက်ဆင်ဂျာမှာ ရိုက်ပေးပါနော်..

အရောင်းတိုးမယ့် စာအုပ်

ပထမဦးဆုံး အယောက် (၁၀၀) အတွက်သာ