Blog

B2B စျေးကွက်မှာ ဘယ်လို ၀ယ်သူ၊ ဖောက်သည်အမျိုးအစားတွေပါ၀င်လဲ။

Website Blog (19)
Business / Marketing

B2B စျေးကွက်မှာ ဘယ်လို ၀ယ်သူ၊ ဖောက်သည်အမျိုးအစားတွေပါ၀င်လဲ။

အရောင်းသမားတွေအနေနဲ့ ကုန်ပစ္စည်း ၀န်ဆောင်မှုတွေကိုရောင်းချတဲ့အခါမှာ စျေးကွက်ကိုယေဘုယျအားဖြင့် စားသုံးသူစျေးကွက်(B2C) နဲ့ အဖွဲ့အစည်းဆိုင်ရာစျေးကွက် (B2B) ပြီး နှစ်ပိုင်းခွဲခြားထားပါတယ်။ ဒီစျေးကွက်နှစ်ခုမှာဆို ၀ယ်သူဖောက်သည်အမျိုးအစားတွေမတူသလို ရောင်းချပုံရောင်းချနည်းတွေမတူပါဘူး။ 

B2Bစျေးကွက်၊ အဖွဲ့အစည်းစျေးကွက်ကို၀င်မယ်ဆိုရင် ကိုယ်သွားရောင်းမယ့်အဖွဲ့အစည်းက ဘယ်လိုအမျိုးအစားလည်းဆိုတာကိုခွဲခြားတတ်ဖို့လည်း လိုပါတယ်။ ဒါမှ ဘယ်အဖွဲ့အစည်းကိုတော့ ဘယ်လိုပုံစံမျိုးနဲ့ ချဉ်းကပ်မလဲ။ ဘယ်လိုမျိုးရောင်းရင် ပိုအဆင်ပြေမလဲဆိုတာကို ရွေးချယ်နိုင်မှာဖြစ်ပါတယ်။ 

ဒါကြောင့် အဖွဲ့အစည်းစျေးကွက်မှာ သင်ရောင်းရမယ့် သူ၊ အဖွဲ့အစည်းက ဘယ်လိုမျိုးတွေ ဖြစ်မလဲဆိုတာကိုလေ့လာကြည့်ရအောင်။ 

၁) Price-Oriented Company 

ဒီကုမ္ပဏီအမျိုးအစားကတော့ စျေးနှုန်းကိုပဲ အဓိကဦးစားပေး ကြည့်ရွေးတဲ့အမျိုးအစားဖြစ်ပါတယ်။ စျေးကွက်ထဲမှာ ဘယ်ကုန်ပစ္စည်း၊၀န်ဆောင်မှုက စျေးပိုသက်သာလဲဆိုတာကို ရွေးချယ်ပြီး၀ယ်ယူလေ့ရှိကြပါတယ်။ ဥပမာ− ရုံးအတွက် ကွန်ပြူတာ၀ယ်မယ်ဆိုရင် စျေးနှုန်းတွေကိုနှိုင်းယှဥ်ပြီးမှ ပိုပြီးသက်သာတဲ့ဆီက၀ယ်လိုက်မျိုးဖြစ်ပါတယ်။ ကိုယ့်ကုန်ပစ္စည်းက သင့်တင့်တဲ့အရည်အသွေးရှိပြီး စျေးသက်သာတဲ့ကုန်ပစ္စည်းမျိုးဆိုရင်တော့ ဒီလိုအမျိုးအစားမျိုးကို ပိုပြီး ဦးတည်ပြီးရောင်းချနိုင်ပါတယ်။ 

၂) Solution-Oriented Company 

ဒီ Solution-Oriented Company အမျိုးအစားကျတော့ သူတို့ရုံးမှာလိုအပ်နေတဲ့အရာတွေ အခက်အခဲတွေကို ကိုယ်ကအကြံပေးပြီး ဖြည့်ဆည်းပေးရတာမျိုး ဆိုလိုပါတယ်။ သူတို့လတ်တလောမှာ ဘာအခက်အခဲတွေကြုံတွေ့နေရလဲ၊ ဘာတွေကို ပြောင်းလဲဖို့ လိုအပ်လဲဆိုတာ မြင်သာအောင်ပြောပြီး ကိုယ့်ကုန်ပစ္စည်းကို သုံးလိုက်ရင်တော့ သူတို့အတွက်ဘယ်လိုအဆင်ပြေသွားမယ်ဆိုတာကို အသားပေးပြီးပြောပြသင့်ပါတယ်။ 

၃) Gold-Standard Company 

တစ်ချို့ကုမ္ပဏီတွေ၊ လုပ်ငန်းတွေက သူတို့သတ်မှတ်ထားတဲ့ စံချိန်၊ စံညွှန်း (policiesတွေ၊ standard) တွေနဲ့ကိုက်ညီတဲ့ ကုန်ပစ္စည်း၊ ၀န်ဆောင်မှုပေးနိုင်တဲ့ကုမ္ပဏီကိုပဲ ရွေးချယ်၀ယ်ယူလေ့ရှိပါတယ်။ 

ဒီလိုကုမ္ပဏီမျိုးဆိုရင်တော့ မရောင်းခင်ကိုယ့်ကုန်ပစ္စည်းက သူတို့လိုချင်တဲ့စံချိန်၊ စံညွှန်း၊ သတ်မှတ်ချက်တွေတဲ့ ကိုက်ညီမှုရှိ မရှိ အရင်ဆုံးစစ်ဆေးသင့်ပါတည်။ ဒါမှ ရောင်းတဲ့အခါ ကိုယ့်ကုန်ပစ္စည်းက သူတို့သတ်မှတ်ထားတဲ့ စံနှုန်းနဲ့ ပြည့်မှီကြောင်းကိုအဓိကထားပြောပြီး ရောင်းနိုင်မှာဖြစ်ပါတယ်။ 

၄) Strategic-Value Company 

ဒီကုမ္ပဏီအမျိုးအစားကတော့ ၀ယ်ယူတဲ့အခါမှာ လက်တလောလိုအပ်လို့၊ အဆင်ပြေဖို့အတွက်၀ယ်ယူခြင်းမျိုးမဟုတ်ပဲ သူတို့ကုမ္ပဏီဗျူဟာတွေထဲမှာ ရေရှည်လိုအပ်လာမယ့်အရာတွေကို ကြိုတင်ထည့်စဉ်းစားပြီး ၀ယ်ယူခြင်းဖြစ်ပါတယ်။ 

ဥပမာ− ကျွန်မတို့ Better Version မှာလာရောက်ဆွေးနွေးကြတဲ့ လုပ်ငန်းရှင်အများစုက လုပ်ငန်းရဲ့ လိုအပ်ချက်ပေါ်မူတည်ပြီး မားကတ်တင်းအပိုင်း၊ အရောင်းပိုင်းဆိုင်ရာစီမံခန့်ခွဲမှုအပိုင်းတွေကို စနစ်တကျတိုးတက်အောင် ၀န်ထမ်းတွေကို သင်တန်းတွေပေးဖို့အတွက် လာရောက်ဆက်သွယ်လေ့ရှိပါတယ်။ ဒီကုမ္ပဏီတွေ၊ လုပ်ငန်းတွေက ရေရှည်မှာ ကုမ္ပဏီတိုးတက်အောင်မြင်ရေးအတွက် ကြိုတင်ထည့်သွင်းစဥ်းစားပြီး ကိုယ့်ကုမ္ပဏီနဲ့ကိုက်ညီမယ့် သင်ခန်းစာတွေ (Training Plan)တွေ၊ သင်ကြားမှု ပုံစံတွေကို တစ်ခါတည်းစဥ်းစားပြီး နှစ်ရှည်စီမံကိန်း သဘောမျိုးနဲ့ သွားကြတာ များပါတယ်။ 

၅) Buying Orientation

ဒီအမျိုးအစားကတော့ ကုမ္ပဏီအတွက် လုပ်ငန်းအတွက်ချက်ချင်းလိုအပ်လို့ ချက်ချင်းဖြေရှင်းဖို့အတွက် ၀ယ်ယူခြင်းမျိုးဖြစ်ပါတယ်။ ဥပမာ− ရုံးမှာ လက်ရှိသုံးနေတဲ့အင်တာနက်လိုင်းက မကောင်းလို့ တခြားအင်တာနက်လိုင်းကိုရှာပြီး မြန်မြန်ကောက်တတ်လိုက်တာမျိုးဖြစ်ပါတယ်။ ဒီလိုလုပ်ငန်းတွေကိုရောင်းရင်တော့ အရောင်းလုပ်ငန်းစဥ် (Sales Process) ကမြန်ပါတယ်။ အရောင်းသမားတွေအနေနဲ့ကတော့ ကုန်ပစ္စည်းတင်ဆက်ပုံ (Presentation) ကို သေသေချာချာပြင်ဆင်ထားဖို့တော့လိုပါတယ်။

၆) Procurement Orientation 

ဒီလုပ်ငန်းအမျိုးအစားတွေကတော့ စျေးကွက်ရဲ့ ၀ယ်လိုအားပေါ်မူတည်ပြီး ကုန်ကြမ်းကနေစပြီး နောက်ဆုံးကုန်ပစ္စည်းထုတ်လုပ်တဲ့အဆင့်အထိ လိုအပ်တာတွေကို တွက်ချက်ပြီး၀ယ်ယူလေ့ရှိကြပါတယ်။ အဲ့လို၀ယ်ယူတဲ့အခါမှာဆိုရင်လည်း ကုန်ပစ္စည်းအရည်အသွေးမြှင့်တင်မှုနှင့် ကုန်ကျစရိတ်လျှော့ချရေးကို တစ်ပြိုင်တည်းစဥ်းစားပြီး ၀ယ်ယူကြပါတယ်။ ဒီလို၀ယ်သူတွေက ကုန်ပစ္စည်းသိုလှောင်မှုတွေ၊ အချိန်မှီစီမံခန့်ခွဲနိုင်မှုတွေ၊ ထုတ်ကုန်ဒီဇိုင်းတွေကို သူတို့ လိုအပ်ရင်လိုအပ်သလို ဖြည့်ဆည်းပေးနိုင်မယ့်သူမျိုးတွေနဲ့ပဲ နှစ်ရှည်လများစွာ ရည်ရှည်လက်တွဲလေ့ရှိပါတယ်။ 

၇) Supply Chain Management Orientation

ဒီလုပ်ငန်းတွေမှာဆိုရင်တော့ ၀ယ်ယူမှုအခန်းကဏ္ဍ (Purchasing role) က အင်မတန်အရေးကြီးပြီး ပိုဗျူဟာမြောက်ပြီး ကျယ်ပြန့်လာပါတယ်။ 

ကုမ္ပဏီမှ ၀ယ်ယူဖို့တာ၀န်ရှိတဲ့သူတွေ (Purchasing Executives) က  မားကတ်တင်းနဲ့ အခြားတာ၀န်ရှိသူတွေနဲ့ ပူးပေါင်းဆောင်ရွက်ပြီး တကယ့်သုံးစွဲသူတွေ လက်ထဲသို့ ချောချောမောမောရောက်ဖို့နဲ့ Supply Chain တစ်ခုလုံးကို ချောချောမွေ့မွေ့ လည်ပတ်နိုင်ဖို့အတွက်  လိုအပ်တဲ့ ကုန်ကြမ်းနှင့် ကုန်ပစ္စည်းတွေကို  သေချာစီစစ်၀ယ်ယူလေ့ရှိပါတယ်။ 

Procurement Orientation နဲ့ Supply Chain Management Orientation လိုလုပ်ငန်းမျိုးတွေကိုရောင်းချရင်တော့ ရောင်းချခြင်းအဆင့်က ကြာနိုင်ပေမယ့် လက်တွဲဖြစ်သွားတဲ့အခါမှာတော့ တကယ့် Business Customer အကြီးကြီးတွေ ဖြစ်သွားနိုင်ပါတယ်။

ဒီလို၀ယ်သူအမျိုးအစားတွေကို နားလည်ထားခြင်းအားဖြင့် ကိုယ်သွားရောင်းမယ့်ကုမ္ပဏီက ဘာကိုဦးစားပေးတဲ့ကုမ္ပဏီလဲဆိုတာ ခွဲခြားနိုင်ပြီး သူတို့နဲ့ကိုက်ညီတဲ့ပုံစံမျိုးကိုရွေးချယ်ကာ မားကတ်တင်းတွေလုပ်ပေးခြင်းအားဖြင့် ပိုပြီးထိထိရောက်ရောက်နဲ့ ကိုယ့်ဘက်ပါလာအောင်ဆွဲဆောင်နိုင်မှာဖြစ်ပါတယ်။ 

သင့်အနေနဲ့ ဒီလို၀ယ်သူအမျိုးအစားတွေကိုနားလည်နေရုံနဲ့မပြီးသေးပါဘူး။ ၀ယ်သူအမျိုးအစားအလိုက် မားကတ်တင်း plan ကောင်းကောင်းဆွဲဖို့ လိုအပ်နေပြီး စျေးကွက်နဲ့ ကိုက်ညီတဲ့ ဗျူဟာတွေ ချမှတ်ဖို့ လိုအပ်ပါတယ်။ 

သင့်ကိုသင် ယုံကြည်မှုရှိရှိနဲ့ သင့်လုပ်ငန်းအတွက်ဘဲ ဖြစ်ဖြစ်၊ Personal branding အတွက်ဘဲ ဖြစ်ဖြစ် လက်တွေ့ အသုံးချလို့ရမယ့် မာကက်တင်းမဟာဗျူဟာ စဥ်းစားသုံးသပ်ချမှတ်နိုင်သွားဖို့အတွက်ဆိုရင်တော့ ကျွန်တော်တို့ရဲ့ Practical Marketing Strategies – လက်တွေ့အသုံးချမားကတ်တင်း သင်တန်းမှာ အသေးစိတ် လေ့လာနိုင်ပါတယ်။ 

သင်တန်းအသေးစိတ်အတွက် PMS လို့ပဲ မက်ဆေ့ပို့လိုက်ပါ။ အသေးစိတ်ရှင်းပြပေးပါ့မယ်။

ပိုကောင်းတဲ့ အနာဂတ်၊ ခိုင်မာတဲ့ အမှတ်တံဆိပ်တွေ တည်ဆောက်ဖို့ Better Version ရှိပါတယ်။

#သင်ထင်ထားတာထက်ပိုပါတယ် #တိုးတက်မှုတစ်ခုနေ့စဥ်ပြုပါ #MakeYourProgress

Select the fields to be shown. Others will be hidden. Drag and drop to rearrange the order.
  • Image
  • SKU
  • Rating
  • Price
  • Stock
  • Availability
  • Add to cart
  • Description
  • Content
  • Weight
  • Dimensions
  • Additional information
  • Attributes
  • Custom attributes
  • Custom fields
Compare
Wishlist 0
Open wishlist page Continue shopping
အခွင့်အရေးကောင်းတွေ လက်မလွတ်သွားဖို့

43% Off
Only For 1st 100

“Book Order” လို့ မက်ဆင်ဂျာမှာ ရိုက်ပေးပါနော်..

အရောင်းတိုးမယ့် စာအုပ်

ပထမဦးဆုံး အယောက် (၁၀၀) အတွက်သာ