Blog

ဝယ်သူတိုင်း ကြွေသွားစေမယ့် ဝန်ဆောင်မှု ဖြစ်ဖို့ နည်းလမ်း (၈)ခု – ခက်လဲမခက်ဘူး။ 

Better Service
Customer Service / Sales

ဝယ်သူတိုင်း ကြွေသွားစေမယ့် ဝန်ဆောင်မှု ဖြစ်ဖို့ နည်းလမ်း (၈)ခု – ခက်လဲမခက်ဘူး။ 

 

“ ဈေးနှုန်းတွေ၊ ထုတ်ကုန်ကောင်းကောင်းထုတ်ခြင်းသက်သက်ဟာ အားသာချက်မဟုတ်တော့ဘူး။ လွယ်လွယ်ကူကူနဲ့ ပြိုင်ဘက်တွေဟာ ကူးယူနိုင်နေပြီ။ ဒါပေမယ့် အကောင်းဆုံးဝန်ဆောင်မှု ပေးခြင်း ကိုတော့ ကူးယူဖို့ခက်တယ်။” 

အပြိုင်အဆိုင်များတဲ့ ဈေးကွက်ထဲမှာ တချို့လုပ်ငန်းတွေဟာ ရောင်းကုန်ချင်းတူပေမယ့်၊ ဈေးနှုန်းခြင်းတူနေပေမယ့် ပိုပြီး ရောင်းနေရတယ်၊ ပိုပြီး အောင်မြင်နေတာတွေ့ဖူးမှာပါ။ 

အကြောင်းအရင်းတစ်ခုကတော့ ဝယ်သူကို ပေးတဲ့ဝန်ဆောင်မှု ပေးခြင်း ဖြစ်ပါတယ်။ 

Better Versionairs တို့ရဲ့ လုပ်ငန်းတွေမှာ ဝယ်သူတိုင်း ကြွေသွားစေမယ့် အကောင်းဆုံး ဝန်ဆောင်မှုဖြစ်ဖို့အတွက် နည်းလမ်း (၈)ခု ရေးပေးလိုက်ပါတယ်။ 

ဒီလိုမှတ်ကြရအောင်။ ဝန်ဆောင်မှုကောင်းမွန်ခြင်းဟာ စီးပွားတစ်ခုအတွက် အသက်ဘဲ။ ဈေးတွေလျှော့ပြီး၊ ပမိုရှင်းတွေချပြီး ဝယ်သူအသစ်တွေ ရအောင်လုပ်ကောင်းလုပ်နိုင်မယ်။ ဒါပေမယ့် ရှိနေပြီးသား ဝယ်သူတွေကို မထိန်းထားနိုင်ရင် ငွေကုန်ကြေးကျ ပိုများမယ်။ 

ဝယ်သူအသစ်ရဖို့ ကုန်တဲ့ ကုန်ကျငွေဟာ ဝယ်သူ အဟောင်းကို ထိန်းသိမ်းတာထက် ၅ ဆ ပိုကုန်တယ်လို့ ဆိုပါတယ်။ 

ဝန်ဆောင်မှုကောင်းကောင်းပေးနိုင်ရင် ရှိပြီးသွားဝယ်သူတွေကို ထိန်းသိမ်းထားနိုင်မှာပေါ့။ 

အရောင်းပညာကို ကောင်းကောင်းတတ်လို့ ဘယ်သူကို မဆို ရောင်းနိုင်ချင် ရောင်းနိုင်မယ် ဒါပေမယ့် ဝန်ဆောင်မှု မကောင်းရင်တော့ ထပ်ရောင်းရဖို့ မသေချာဘူးပေါ့ဗျာ။ 

Customer Service ဆိုတာ ဝယ်သူနဲ့ ရေရှည် ဆက်ဆံရေး တည်ဆောက်တာမျိုး ဖြစ်တယ်။ 

ဒီတစ်ခု ထပ်မှတ်ရမယ်။ 

“ဝယ်သူတွေက ကိုယ်ဘာပြောသလဲဆိုတာထက်၊ ကိုယ်လုပ်သလဲဆိုတာပေါ်မှာ ဆုံးဖြတ်တယ်။”

“ဝယ်သူတွေက သူတို့ကို ဂရုစိုက်ပါတယ်လဲ မခံစားရမချင်း ခင်ဗျားပစ္စည်းကိုလဲ​ဂရုမစိုက်ဘူး။ ခင်ဗျားကိုလဲ ဂရုမစိုက်ဘူး။”

 

ကဲ… ဝယ်သူတိုင်း ကြွေသွားဖို့ ဒီနည်းလမ်း (၈)ခုကို တစိုက်မက်မက် လုပ်သွားဖို့တော့ လိုမယ်။ 

၁) နားထောင်ပါ။ 

ဘဝမှာ ကိုယ်ပြောတာတွေကို သေချာနားမထောင်နေဘူးဆိုတဲ့ ခံစားချက်လောက် ဆိုးတာ ရှိသေးလား။ နားမထောင်ရင် အကြောင်းရင်းကို သေချာ မသိဘူး။ မသိရင် ဖြေရှင်းပေးလို့မရဘူး။ အဲတော့ သေချာနားထောင်ပါ။ ကိုယ်သေချာနားထောင်နေပါတယ်ဆိုတာမျိုးလဲ​သိအောင်လုပ်ပါ။ 

*** (Better Salesman သင်တန်းဆင်းတွေတော့ ကောင်းကောင်းတတ်တယ်။)***

၂) တုံ့ပြန်မှုပေးပါ။ 

ဖုန်းခေါ်ရင်မကိုင်ဘူး။ မက်ဆေ့ပို့ရင် Reply မလာဘူး။ မေးလ်ပို့တယ် လေးငါးရက်လောက်ကြာနေတယ်။ 

Responsiveness ဆိုတာ ဝန်ဆောင်မှု ကောင်းမွန်မှုကို တိုင်းတာတဲ့ ပေတံ ငါးချောင်းထဲက တစ်ခုလေဗျာ။ အဲတော့ ကိုယ့်ဝယ်သူကို သေချာပေါက် မြန်မြန်ဆန်ဆန် တုံ့ပြန်နိုင်အောင် လုပ်ထားပါ။ 

Auto-message တွေဟာ စိတ်ပျက်စရာကောင်းတတ်တာလဲ​မမေ့ပါနဲ့။ လူတိုင်းက လူနဲ့ဘဲ စကားပြောချင်တာမျိုးမဟုတ်လား။ 

၃) ကတိနည်းနည်းပေး၊ များများလုပ်ပေး။ 

ရောင်းချင်ဇောအားကြီးနေတာဘဲ ဖြစ်ဖြစ်၊ ပြီးပြီးရော စိတ်မျိုးဖြစ်နေလို့ဘဲ ဖြစ်ဖြစ် မဖြစ်နိုင်တာတွေ ပြောမိတာ၊ ခေါင်းညိမ့်မိတတ်တာမျိုးတွေ ဖြစ်တတ်တယ်။ 

ဒီနေ့ ပို့ပေးမယ်ဆို ရောက်အောင်ပို့ပေး။ ဒီနေ့ စာပြန်မယ်ဆိုရအောင် ပြန်။ 

ဘယ်သူမှ ကတိမတည်၊ ယုံကြည်လို့မရတဲ့ လူနဲ့ နောက်တစ်ခု ဆက်ဆံချင်မှာ မဟုတ်ဘူးလေဗျာ။ 

Reliability ဆိုတာ ထိပ်တန်း ဝန်ဆောင်မှုဖြစ်တယ်လို့ ခံစားရစေတဲ့ အကြောင်းတစ်ခုဖြစ်တယ်။ 

၄) ရင်ဆိုင်ပါ။ 

ဝယ်သူတွေက ပြသာနာတွေ တင်ပြပြောဆိုလာတာမျိုးတွေ ကိုရင်ဆိုင်ပါ။ ဘယ်သူက သွေးကြောင် ဘေးရှောင်တတ်တဲ့ လူနဲ့ အလုပ်လုပ်ချင်မှာလဲ။ 

“လူတိုင်းကို အချိန်တိုင်းမှာ စိတ်ကျေနပ်အောင်လုပ်မပေးနိုင်ဘူး” ဆိုတာ မှန်ပေမယ့် Complaint တက်လာရင်တော့ သေချာပေါက် ရင်ဆိုင်ရမှာဘဲ။ 

စိတ်ကျေနပ်မှုမရပေမယ့် ရောင်းသူကို မပြောတဲ့ ရာခိုင်နှုန်းဟာ တော်တော်များများ။ ပြသနာက ခင်ဗျားကို လာမပြောဘဲ တခြားလူတွေကို သွားပြောနေမှ ပိုဆိုးတာ မဟုတ်လား။ Customer Compalint ကိုကောင်းကောင်းကိုင်တွယ်ပါ။ 

၅) ဖြူစင်စွာ ကူညီချင်တဲ့ စိတ်ရှိဖို့လိုတယ်။ 

တခါတလေ ကိုယ်နဲ့ မဆိုင်ဘူး။ ကိုယ်ဆီကဝယ်မှာလဲ မဟုတ်ဘူး။ တခါတလေ သူလိုနေတဲ့ ပစ္စည်းက ကိုယ့်မှာလဲ မရှိဘူး။ ဝယ်သူကို ကိုယ်သည် အမြဲတမ်းသူရဲ့ အောင်မြင်ရေး၊​အဆင်ပြေ ချောမွေ့ရေးအတွက် အမြဲကူညီဖို့ အသင့်ရှိပါတယ် ဆိုတဲ့ ခံစားချက်ရသွားအောင် လုပ်ဖို့လိုတယ်။ 

အဲတော့ အမြတ်ရမှရယ်လို့ တွေးတာထက် ကိုယ့်ဝယ်သူ၊ ဒါမှမဟုတ် အလားအလာ ရှိတဲ့ ဝယ်သူတွေကို ဖြူစင်စွာ ကူညီချင်တဲ့ စိတ်ကလေး ထားရမှာပေါ့။ 

မေတ္တာဆိုတာ ရောင်ပြန်ဟပ်တယ် မဟုတ်ဘူးလား။ 

၆) ကျွမ်းကျင်အောင် လေ့ကျင့်ပေးထား

ဝန်ဆောင်မှုမှာ လူက အဓိကဘဲ။ ပစ္စည်းဘယ်လောက်ကောင်းကောင်း ဝန်ဆောင်မှုပေးနေတဲ့လူ ညံ့ရင် ဂွမ်းသွားတာဘဲ။ ဝန်ဆောင်မှု လုပ်ငန်းတွေမှာဆိုရင် ဝန်ထမ်းရဲ့ အရည်အသွေး၊​စိတ်နေသဘောထား၊ ကျွမ်းကျင်မှုဟာ ဝယ်သူရဲ့ စိတ်ကျေနပ်မှုနဲ့ တိုက်ရိုက်အချိုးကျတယ်။ အဲတော့ ကိုယ့်ဝန်ထမ်းတွကို သေချာ သင်ကြားလေ့ကျင့်ပေးထားဖို့လိုတယ်။ 

ဘာတွေသင်ထားပေးရမလဲ။ 

ထုတ်ကုန်နဲ့ ပတ်သက်တာတွေ၊ ကိုယ့်ရဲ့ လုပ်ငန်းစဥ်တွေ၊ Customer Services training မျိုးတွေပေါ့ဗျာ။ 

၇) နည်းနည်းလေး စေတနာထပ်ထည့်ပါ။ 

စတိုးဆိုင်တစ်ခုဆိုပါတော့… ဝယ်သူက သူလိုချင်တဲ့ ပစ္စည်းမေးတာမျိုးဆိုရင် ဘယ်နေရာမှာ ဆိုတာထက် ရှိနေတဲ့ နေရာထိ လိုက်ပို့ပေးလိုက်တာမျိုး၊ 

ပစ္စည်းတွေ ဝယ်ပြီးသွားတယ်ဆိုရင် ကားနားလေးထိ လိုက်ပို့ပေးတာမျိုး။ 

တောင်းဆိုလာတာမျိုးရှိလာလို့ လုပ်ပေးလိုက်ပြီးရင်တောင် နောက်ကနေလိုက်ပြီး အဆင်ပြေရဲ့လား မသိဘူးနော် ဆိုတာမျိုး ပေ့ါ။ 

စကားတစ်ခုရှိတယ် မဟုတ်လား။ စေတနာကောင်းရင် ကံကောင်းပါတယ်။ 

စေတနာလေး နည်းနည်းလေး ထပ်ထည့်လိုက်ပါ။ 

၈) အပိုဆောင်းလေး ထပ်ပေးလိုက်ပေါ့။ 

ငယ်ငယ်က မုန့်ဟင်းခါးစားရင် ဟင်းရည်ထပ်တောင်းလို့ စိတ်လိုလက်ရ ပိုပိုသာသာလေး ထပ်ထည့်ပေးတဲ့ ဆိုင်မှာ ပိုစားဖြစ်တယ်ဗျာ။ 

ဝယ်သူတိုင်းက အချိန်တိုင်းကိုယ်ဆီကနေ လောဘဇောတိုက်ပြီး အမြဲလိုချင်နေကြတာမျိုးတော့ မဟုတ်ဘူး။ ဒါပေမယ့် အပိုဆောင်းလေး ပေးလိုက်တာမျိုးဆိုရင်တော့ သဘောခွေ့တာဘဲလေ။ 

Discount Coupon လေးထည့်ပေးလိုက်တာမျိုးဆိုရင် ကိုယ့်ဆီလဲနောက်ဝယ်ဖြစ်မယ်။ 

ကဲ.. 

ဒီပစ္စည်းဘဲရောင်းနေတာဘဲ၊ ဒီဈေးဘဲရောင်းနေတာဘဲ ဘာလို့ သူတို့က ပိုအောင်မြင်လဲဆိုရင် အဲဒီအချက်တွေ ရှိနေလို့ ဖြစ်လိမ့်မယ်။ 

ဒီနေ့က စပြီး ဒီအချက်တွေကို ဖြည့်ဆည်းပြီး ဝယ်သူတိုင်းကြွေတဲ့ ဝန်ဆောင်မှုတွေပေးပြီး အောင်မြင်တဲ့ လုပ်ငန်းတွေ ဖြစ်အောင် လုပ်နိုင်ပါစေ။ 

ဒါနဲ့ အခုပြောတဲ့ အချက် ၈ ခုထဲမှာ ချက်ချင်း လုပ်နိုင်တဲ့ အချက်တွေက ဘာတွေလဲ၊ အချိန်ယူရမယ် ထင်တဲ့ အချက်တွေက ဘာတွေဖြစ်မလဲ။ ကွန်မန့် ပေးခဲ့အုန်းနော်။ 

ထိပ်တန်း အရောင်းသမား ဖြစ်လာဖို့ အတွက် Better Salesman – Grow Your Revenues သင်တန်း တက်ပါ။

Select the fields to be shown. Others will be hidden. Drag and drop to rearrange the order.
  • Image
  • SKU
  • Rating
  • Price
  • Stock
  • Availability
  • Add to cart
  • Description
  • Content
  • Weight
  • Dimensions
  • Additional information
  • Attributes
  • Custom attributes
  • Custom fields
Compare
Wishlist 0
Open wishlist page Continue shopping
အခွင့်အရေးကောင်းတွေ လက်မလွတ်သွားဖို့

43% Off
Only For 1st 100

“Book Order” လို့ မက်ဆင်ဂျာမှာ ရိုက်ပေးပါနော်..

အရောင်းတိုးမယ့် စာအုပ်

ပထမဦးဆုံး အယောက် (၁၀၀) အတွက်သာ