၂၀၂၁ မှာ အာရုံစိုက်သင့်တဲ့ ပြောင်းလဲလာမယ့် ၀ယ်ယူမှုပုံစံများ

အားလုံးသိတဲ့အတိုင်း ၂၀၂၀ က အရောင်းသမားတွေအတွက် တော်တော်အကျပ်ရိုက်စေတဲ့ နှစ်တစ်နှစ်ဖြစ်ပါတယ်။ လက်ရှိနှစ်က ၀ယ်သူတွေရဲ့ ၀ယ်ယူမှုပုံစံတွေကို တော်တော်ကြီး ပြောင်းလဲစေခဲ့ပါတယ်။ ဒါကြောင့် လာမယ့် ၂၀၂၁ မှာရော မိတ်ဆွေတို့ရဲ့ ၀ယ်သူတွေ၊ ဖောက်သည်တွေ ရဲ့ ၀ယ်ယူမှုပုံစံတွေ ဘယ်လိုပြောင်းလဲသွားနိုင်မလဲ ဆိုတာကြိုပြီးတွေးထားနိုင်ဖို့ လိုအပ်ပါတယ်။
အခု ဒီပိုစ်က ပြည်တွင်းက၀ယ်သူဖောက်သည်နဲ့ ဆက်ဆံရတဲ့ အရောင်းသမားတွေအတွက်ရော၊ International က ၀ယ်သူဖောက်သည်နဲ့ ဆက်ဆံရတဲ့ အရောင်းသမားတွေ အတွက်လည်း အများကြီး အကျိုးရှိစေမှာဖြစ်ပါတယ်။

၁) Safety Concerns

အခုလက်ရှိမှာတောင် ၀ယ်သူတွေက ကျန်းမာရေးအတွက် safety concerns ကိုအများကြီးစဥ်းစားလာကြပါတယ်။ သူတို့ ၀ယ်ယူမှုပြုမယ့် ကုန်ပစ္စည်း၊ ၀န်ဆောင်မှုတိုင်းမှာ သူတို့အတွက် safety ဘယ်လောက်ထည့်စဥ်းစားပေးထားလဲ ဆိုတာ သေချာစဥ်းစားလာကြပါပြီ။ ဒါကြောင့် စျေးနှုန်းတစ်ခုတည်းနဲ့ ပြိုင်လို့ရတဲ့ အနေထားမဟုတ်တော့ပါဘူး။
ဥပမာပြောရရင် Grab ကလုပ်ပေးတဲ့ GrabProtect လိုမျိုး Safety ကိုထည့်စဥ်းစားပေးထားတဲ့ Taxi တွေဟာ စျေးပိုကြီးတတ်ပေမယ့် customer တွေက အပြင် Taxi ထက်ကို ပိုပြီး ရွေးချယ်လာတာ မြင်တွေ့ရပါလိမ့်မယ်။ လေကြောင်းလိုင်းတွေလည်း ထိုနည်းတူပဲ Safety နဲ့ ပတ်သတ်ပြီး Exclusive program တွေစလာကြပါပြီ။
ဒါကြောင့် မိတ်ဆွေတို့ရဲ့ ကုန်ပစ္စည်း၊ ၀န်ဆောင်မှုတွေမှာ ကိုယ့်၀ယ်သူတွေအတွက် ဘယ်လို safe ဖြစ်အောင် လုပ်ပေးနိုင်မလဲ။ ဘယ်လို အပိုဆောင်း၀န်ဆောင်မှုမျိုး ပေးမလဲဆိုတာ ကြိုပြီးစဥ်းစားထားရမှာပါ။

၂) Digital Trend

ဒါက နောက်လာမယ့်အနာဂတ်ရဲ့ buying trend လို့တောင်ပြောလို့ရပါတယ်။ အခု ဒီနှစ်အတွင်းမှာဆိုရင် traditional business တွေတောင် online ပေါ်ရောက်လာကြပါပြီ။ Tour services တွေတောင် virtual experiences တွေ ဖြစ်လာကြတဲ့အတွက် မိတ်ဆွေတို့ရဲ့ ကုန်ပစ္စည်း၊ ၀န်ဆောင်မှုတွေကို ခေတ်နဲ့အညီ လိုက်နိုင်ဖို့ ဆိုရင် “Digital trend” ကို ကောင်းကောင်းနားလည်ထားဖို့လိုပါတယ်။
အခုဆိုရင်လည်း လူကြီး၊ လူငယ်အရွယ်မရွေးက စားသောက်ကုန်အပြင် အခြား လူသုံးကုန်ပစ္စည်းတွေကိုပါ online က မှာယူတတ်တဲ့ အလေ့အကျင်နဲ့ ဗဟုသုတတွေ ရှိလာကြပါပြီ။
ဒါကြောင့် လာမယ့်နှစ်တွေမှာ Digital trend တွေကို မျက်ခြေမပျက်လေ့လာနိုင်အောင်လုပ်ပါ။ သင့်ကုန်ပစ္စည်းကိုလည်း ပြောင်းလဲလာတဲ့ trend ပေါ်မှာ ဘယ်လိုရေရှည် ရပ်တည်မလဲဆိုတော သေသေချာချာ စဥ်းစားပြီး မဟာဗျူဟာချမှတ်ပါ။

၃) Demand & Spending Gap

ဒီကာလအတွင်းမှာ တစ်ချို့ ကုန်ပစ္စည်း၊ ၀န်ဆောင်မှုတွေဟာ demand အများကြီးကျသွားတာကို တွေ့ရပါလိမ့်မယ်။ များသောအားဖြင့်ဆိုလည်း အပိုမကုန်သင့်တာ မကုန်အောင် ချွေတာစုဆောင်းလာတဲ့ သူတွေလည်းများလာကြပါတယ်။ Spending power လည်းကျလာတယ်ဆိုတာမျိုးတွေ လည်းတွေ့ရပါတယ်။ ဒါပေမယ့် ဒီလို demand နဲ့ spending gap ကြားမှာ ဟန်ချက်ညီညီနဲ့ ထိန်းထားနိုင်တဲ့ လုပ်ငန်းတွေရှိပါတယ်။
ဥပမာဆိုရင် Luxury ပစ္စည်းတွေ၊ ကားထုတ်တဲ့လုပ်ငန်းတွေဆို အများကြီး demand ကျသွားတယ်လို့ ဆိုကြပါတယ်။ ဒါပေမယ့် အံသြစရာကောင်းတာက Europe တို့၊ အမေရိကန်တို့မှာ public transportation ကို အသုံးပြုဖို့ထက် ကိုယ်ပိုင်ကားတွေအသုံးပြုမှု ပိုများလာတာကို surveys တွေ တော်တော်များများမှာတွေ့ရပါတယ်။ ကိုယ့်ကားနဲ့ ဆိုရင် ရောဂါကူးနိုင်စွမ်း risk ကို လျော့ချပေးတယ်လို့ တွေးလာကြလို့ဖြစ်ပါတယ်။
ဒါကြောင့် demand နဲ့ spending gap ကို ထိန်းနိုင်ဖို့ ဆိုရင် မိတ်ဆွေတို့ရဲ့ ကုန်ပစ္စည်းမှာ ၀ယ်သူတွေအတွက် ဘယ်လို values မျိုးတွေ ပေးနိုင်လဲ ဆိုတာသေချာစဥ်းစားပြီး မှန်ကန်တဲ့ “Target market” ရောက်အောင် အာရုံစိုက်ရမှာပဲ ဖြစ်ပါတယ်။
ဒါကြောင့် ၀ယ်သူတွေကို နားလည်အောင် ကြိုးစားပါ။ အချိန်နဲ့အမျှ သင့်ရဲ့လုပ်ငန်းကို သင့်၀ယ်သူရဲ့ ပြောင်းလဲလာတဲ့ ၀ယ်ယူမှုပုံစံတွေနဲ့ အညီ ဘာပိုကောင်းအောင်လုပ်နိုင်မလဲ စဥ်းစားပါ။

၄) Value Added Services 

အခုချိန်မှာဆိုရင် ရောင်းတဲ့ပစ္စည်းတွေ၊ ကြော်ငြာတာတွေက၊ စျေးနှုန်းတွေက တူတာတွေများပါတယ်။ ဒါပေမယ့် မတူတာ၊ ပိုကောင်းအောင်လုပ်နိုင်တာက “value added services” ပါ။ Value Added လို့ပြောလိုက်ရင် ဝယ်သူအတွက် အကျိုးရှိသွားစေမယ့်အရာတွေ အကုန်ကို စဥ်းစားနိုင်ပါတယ်။

ဥပမာ – ၀ယ်သူက သင့်ဆီကို စပြီး မက်ဆေ့ပို့ စုံစမ်းတာ၊ ဖုန်းဆက်ပြီးစုံစမ်းတဲ့အချိန်ကတည်းက ရောင်းတဲ့လူဖက်ကနေ ၀ယ်သူကို ယဥ်ကျေးပြူငှာပြီး ချိုချိုသာသာနဲ့ ရောင်းပေးတာမျိုး၊ ၀ယ်သူရဲ့ အခက်အခဲကို သေချာလေး ကူညီဖြေရှင်းပေးတာမျိုး၊ ၀ယ်သူကို စိတ်ရင်းအမှန်နဲ့ အကြံဥာဏ်ပေးတာမျိုးတွေက ပိုကောင်းတဲ့ “value added services” တွေပါ။ 

နောက်ဆုံး၀ယ်သူက သူ့အနေနဲ့ ၀ယ်ဖို့ အဆင်မပြေသေးရင်တောင် သင့်ကိုမှတ်မိပြီး recommend ပေးတာမျိုးတွေ လုပ်လာပါလိမ့်မယ်။  

တစ်ဖြည်းဖြည်းနဲ့ ၀ယ်သူတွေက စျေးအသက်သာဆုံးဆိုတာကနေ ၀န်ဆောင်မှုအကောင်းဆုံးဆိုတဲ့ ရွေးချယ်မှုကို ပြောင်းလဲလာကြပါပြီ။ နိုင်ငံတကာ စျေးကွက် ၀ယ်သူတွေနဲ့ လုပ်နေတဲ့ အရောင်းသမားတွေ၊ လုပ်ငန်းတွေဆို ပိုပြီး ဒါကို သိပါလိမ့်မယ်။ 

မြန်မာနိုင်ငံမှာလည်း ၀န်ဆောင်မှုကောင်းတာကို တစ်ဖြည်းဖြည်း ပိုပြီးကြိုက်နှစ်သက်လာကြပါပြီ။ ဒီနေရာမှာတော့ သင့်ရဲ့ အရောင်းသမားကို သင့်လုပ်ငန်းနဲ့ ပတ်သတ်တဲ့ values တွေ၊ values added services တွေကို သေချာနားလည်အောင်၊၀ယ်သူကို သေချာ communicateလုပ်တတ်အောင်  သင်ကြားထားဖို့တော့ လိုပါလိမ့်မယ်။ 

၅) Streamline & Seamless Shopping Experiences 

Covid ကာလအတွင်းမှာဆိုရင် ၀ယ်သူတွေက online ကနေ ၀ယ်ယူမှုများလာတဲ့အခါ seamless user experiences ကိုပိုပြီး သဘောကျလာကျပါတယ်။ 

ဥပမာ ပြောရရင် Instock ရှိနေတဲ့ online shopping တွေက pre-order တင်ပြီး ၂  ပတ် ၃ ပတ်စောင့်ရတဲ့ online shopping တွေထက် အများကြီးပိုရောင်းရတာကို တွေ့ရပါတယ်။ 

Instock ရှိနေတဲ့ online shopping တွေဆိုရင်လည်း ကုန်ပစ္စည်းကို Live လွှင့်ပြီးရောင်းတဲ့အခါကျတော့ ဒီ ပစ္စည်းရဲ့ အနေထား၊ quality ကို ၀ယ်သူက တစ်ခါတည်းပိုပြီးလေ့လာနိုင်တော့ တစ်ချို့ Live Stream Selling တွေမှာဆို သိန်းကို ဆယ်နဲ့ ရာနဲ့  ချီပြီ ရောင်းရတဲ့ အနေထားမျိုးတွေတောင် တွေ့လာရပါတယ်။ ဒါက ၀ယ်သူတွေလိုချင်တဲ့ seamless shopping experiences ပဲဖြစ်ပါတယ်။ 

လုပ်ငန်းရှင်တွေ၊ အရောင်းသမားတွေအနေနဲ့ ဒီ seamless shopping experiences ပေးနိုင်ဖို့အတွက်ဆိုရင် သင့်မှာ stock ရှိနေတဲ့ ပစ္စည်းကို ကြော်ငြာအားကောင်းကောင်း၊ promotion ကောင်းကောင်းနဲ့  လုပ်နိုင်မယ်ဆိုရင် ၂၀၂၁  မှာနေရာတစ်ခုရလာမှာ  အသေအချာပဲဖြစ်ပါတယ်။ ဒီနေရာမှာကတော့ သတိထားသင့်တာက သင့်ရဲ့ Target market ရဲ့ Behaviors ကိုလည်း လေ့လာဖို့ မမေ့ပါနဲ့လို့ အကြံပေးချင်ပါတယ်။ 

Seamless shopping experiences ဝယ်သူရဲ့ customer journey တစ်ခုလုံးမှာ အဆင်ပြေပြေ၊ လွယ်လွယ်ကူကူ နဲ့ ဝယ်ယူမှုလုပ်နိုင်ခြင်းကို ဆိုလိုပါတယ်။ Searching အဆင့်ကနေ၊ ဝယ်ယူပြီးနောက် After-sales service ထိပါ စဥ်းစားဖို့လိုပါတယ်။

၆) Content Consumption

New Normal အခြေအနေဟာဆိုရင် ၀ယ်ယူမှုအားလုံးနီးပါး digital ပေါ်ရောက်သွားတဲ့အတွက် ၀ယ်သူတွေကလည်း  လုပ်ငန်းတွေရဲ့ content တွေ၊ communication တွေကို ပိုပြီး  အချိန်ပေးပြီး ဖတ်လာကြပါတယ်။ 

၂၀၂၀ sales survey report တွေမှာဆိုရင်လည်း လုပ်ငန်းချင်းတူတူ customer တွေ education ပေးနိုင်တဲ့ content ရေးတာများတဲ့လုပ်ငန်းတွေ၊ ၀ယ်သူနဲ့ အဆက်မပြတ် communication လုပ်နိုင်တဲ့ လုပ်ငန်းတွေမှာ ၀ယ်ယူကြတာပိုများတယ်ဆိုတာကို တွေ့ရပါတယ်။ 

ဒါကြောင့် ဒီ ၂၀၂၁ မှာတော့ သင့်ရဲ့ လုပ်ငန်းပိုပြီး အောင်မြင်ဖို့ ဆိုရင် content marketing ကလည်း မေ့ထားလို့ မရတော့ပါဘူး။ ဒါကြောင့် social media marketing strategy မှာလည်း content ပိုင်းကိုပါ ထည့်သွင်းစဥ်းစားပါ။  

ဒီလောက်ဆိုရင် ပြောင်းလဲလာမယ့် consumer trends ကိုလည်းသေချာသိလောက်ပြီဆိုရင် ၂၀၂၁ ရဲ့ ရလာဒ်ကောင်းတွေရဖို့ အရောင်းဗျူဟာတွေ၊ မားကတ်တင်းဗျူဟာတွေကြိုပြီးစဥ်းစားထားနိုင်မယ်လို့ ထင်ပါတယ်။