Blog

ကုန်ပစ္စည်းဈေးနှုန်းသတ်မှတ်တဲ့ အခါ ထည့်သွင်းစဉ်းစားသင့်တဲ့ အချက်များ

28
Business

ကုန်ပစ္စည်းဈေးနှုန်းသတ်မှတ်တဲ့ အခါ ထည့်သွင်းစဉ်းစားသင့်တဲ့ အချက်များ

ကျွန်တော်တို့ စီးပွားရေးသမားတွေ၊ စီမံခန့်ခွဲရသူတွေအနေနနဲ့ ကိုယ့်လုပ်ငန်းတိုးတက်ဖို့ product အသစ်တွေထုတ်ဖို့ စဉ်းစားကြတယ်။

ကိုယ်သွားချင်တဲ့ Target Market ရွေးပြီးပြီ Positioning Strategy စဉ်းစားပြီးသွားပြီ ဆိုရင် နောက်တစ်ဆင့်က ဈေးကွက်ထဲမှာ ရောင်းအားတက်ဖို့ ဈေးဘယ်လို သတ်မှတ်မလဲဆိုတဲ့ Pricing Strategy ကို စဉ်းစား ဖို့လိုလာပါပြီ။

ဒီနေရာမှာတော့ ဈေးနှုန်းသတ်မှတ်တဲ့အခါ ထည့်သွင်း စဉ်းစားသင့်တဲ့ အချက်တွေကို ဆွေးနွေးပေးသွားချင်ပါတယ်။

ကုန်ပစ္စည်းတစ်ခုကို ဈေးနှုန်းသတ်မှတ်ဖို့စဥ်းစားတဲ့အခါမှာ ရူ့ဒေါင့် သုံးမျိူးနဲ့ စဉ်းစားဖို့လိုပါတယ်။ 3 C လို့ခေါ်လို့ရပါတယ်။

၁) Company

ပထမဆုံး အချက်က Company လို့ခေါ်တဲ့ ကိုယ့်လုပ်ငန်းဘက်ကနေစဉ်းစားတာပါ။ နှစ်ပိုင်းရှိပါတယ် Objective and profitable ဆိုပြီးတော့ပါ။ ကိုယ့်ကုမ္ပဏီ ရဲ့ ရည်ရွယ်ချက် (Objective) နဲ့ ကိုယ်သတ်မှတ်မယ့်ဈေးနှုန်းက ကိုက်ညီမှုရှိရဲ့လားအရင်ဆုံးစဉ်းစားရမှာပါ။

ကိုယ်ရည်ရွယ်ထားတဲ့ သွားချင်တဲ့ဈေးကွက်က Premium Market လား ဒါဆို Premium နဲ့ကိုက်ညီတဲ့ဈေးနှုန်း ဖြစ်ရမှာပါ။ နောက်တစ်ခုကတော့ အကျိုးအမြတ် (Profitable) ပေါ့ ။

ဒီသတ်မှတ်လိုက်တဲ့ ဈေးနှုန်းက ကိုယ့်လုပ်ငန်းရဲ့ အမြတ်ကို ဘယ်လောက်ရာခိုင်နှုန်း တက်သွားမှာလဲ။ တစ်ခါတစ်လေကြတော့ ကုန်ပစ္စည်းသစ်မို့လို့ promotion များများပေးပြီး ဈေးလျှော့ရောင်းဖို့ စဉ်းစားတာမျိုးတွေ ဖြစ်တတ်ပါတယ်။ အဲ့ဒီ အခါကြတော့ company ရဲ့ profit ကျမယ်။ ။ ဒီတော့ အစထဲက အနည်းဆုံး ဒီဈေးနဲ့ ရမှဖြစ်မယ်ဆိုတဲ့ သတ်မှတ်ချက်ကို စဉ်းစားဖို့လိုပါတယ်။

၂) Competitor

ဒုတိယအချက်အနေနဲ့ Competition ရှုထောင့်ကနေလဲ စဥ်းစားရမှာ ဖြစ်ပါတယ်။ ကျွန်တော်တို့ သတ်မှတ်လိုက်တဲ့ဈေးက ဈေးကွက်ထဲမှာ အခြား အရည်အသွေးတူတဲ့ ကုန်ပစ္စည်းတွေနဲ့ယှဉ်ကြည့်မယ်ဆိုရင် ဈေးက များနေတာမျိုးတွေရှိနေမလား။

ဈေးနှုန်းတူရင်တောင် ယှဉ်ကြည့်ရင် Quality ပိုင်း Service ပိုင်း ဘာအားသာချက်တွေ ရှိမလဲ။ ဒါတွေကို တစ်ခါထဲစဉ်းစားပြီးမှ အဆင်ပြေတဲ့ ဈေးနှုန်းကို သတ်မှတ်ထားမှသာ ကိုယ့်လုပ်ငန်းအတွက် ရေရှည်မှာ အဆင်ပြေမှာဖြစ်ပါတယ်။

ပြီးတော့ ဒါတွေကိုစဉ်းစားပြီး ဘာ့ကြောင့် ဒီဈေးနှုန်းကို သတ်မှတ်တယ်ဆိုတဲ့ အကြောင်းကိုပါ ကိုယ့်အရောင်းသမားတွေကို ရှင်းပြထားမယ်ဆိုရင် သူတို့ အနေနဲ့လည်း ဝယ်သူတွေနဲ့ တွေ့တဲ့အခါ ကိုယ့်ကုန်ပစ္စည်းရဲ့ အားသာချက်တွေ၊ feature (ပါဝင်တဲ့ အင်္ဂါရပ်) နဲ့ အဲ့ဒီ အင်္ဂါရပ်ကြောင့် ရမယ့် Benefit (အကျိုးကျေးဇူး)ကိုပါ ရှင်းပြနိုင်တဲ့အခါကြတော့ အောင်မြင်တဲ့ အရောင်းတွေလည်းဖြစ်လာမှာပါ။

၃) Customer

နောက်ဆုံးအချက်အနေနဲ့ ထည်းစဉ်းစားသင့်တာကတော့ ဝယ်သူတွေဘက်ကပါ။ ကုမ္ပဏီလည်း အကျိုးအမြတ်ရနေပြီ၊ ဈေးကွက်ထဲမှာကြည့်ရင်လည်း ကိုယ့် product က ဈေးမများနေဘူး။ ဒါဆိုရင် ဝယ်သူတွေဘက်ကရော ဘယ်လိုမြင်မှာလည်း ဆိုတာကိုလည်း စဉ်းစားဖို့လိုပါတယ်။

အချက်နှစ်ချက်နဲ့ စဉ်းစားလို့ရပါတယ်။ Able & Willingness To Pay ပြောချင်တာက ဝယ်နိုင်ရဲ့လားဆိုတာနဲ့ ဝယ်ချင်စိတ်ရှိရဲ့လားဆိုတာကိုပါစဉ်းစားရမှာပါ။

ကိုယ်ယူထားတဲ့ Market က Luxury ဆိုရင် ကိုယ့်ကုန်ပစ္စည်းက Luxury နဲ့ ကိုက်ညီတဲ့ အရည်အသွေး၊ Brand Image (Branding ကိုပါ တည်ဆောက်ဖို့လိုလာပါပြီ) ရှိနေဖို့လိုပါတယ်။ ဒါမှသာ ဝယ်သူတွေအနေနဲ့ သူတို့ ဝယ်ယူသုံးစွဲတဲ့ ပစ္စည်းက ဈေးကွက်ထဲမှာ အကောင်းဆုံးဆိုတဲ့ခံစားချက်မျိုးရပြီး ဝယ်ချင်စိတ်ရှိမှာဖြစ်ပါတယ်။
နောက်တစ်ခုက ဝယ်နိုင်ရဲ့လားဆိုတာပေါ့။ ကိုယ်ကတော့ အရည်အသွေးကို အကောင်းဆုံး ဖြစ်အောင်လုပ်ပြီး ဈေးနှုန်းကိုလည်း အနေအထားတစ်ခု အမြင့်ဆုံးသတ်မှတ်ထားတယ်။ ဒါပေမယ့် ကိုယ်သွားရောင်းတဲ့ Market ကလူတွေက ဒီပစ္စည်း၊ ဒီရည်အသွေးကို ဒီလောက်ဈေးပေးရတာကို ဈေးကြီးတယ်လို့ မြင်နေတဲ့သူမျိုးတွေဆိုလည်း အဆင်မပြေပါဘူး။

ဒါ့ကြောင့်ဈေးနှုန်း သတ်မှတ်တော့မယ်ဆိုရင် ကျွန်တော်တို့က ကိုယ်ရောင်းချင်တဲ့ Target Market ကလူတွေ ရဲ့ ငွေကြေးသုံးစွဲနိုင်မှုစွမ်းအားကိုလည်း ထည့်သွင်းစဉ်းစားရမှာ ဖြစ်ပါတယ်။

ဆိုတော့ လုပ်ငန်းတစ်ခုမှာ ကုန်ပစ္စည်း သစ်တစ်ခုထုတ်ပြီဆိုရင် ဈေးနှုန်းသတ်မှတ်တဲ့အခါ ဒီ ရှု့ထောင့်သုံးမျိုးနဲ့ အခြေခံပြီးစဉ်းစားမယ်ဆိုရင် မှန်မှန်ကန်ကန်နဲ့ ဈေးနှုန်း သတ်မှတ်နိုင်မှာပါ။

ကျွန်တော်တို့ Better Sales Mastery Series ရဲ့ Management Level သင်တန်းတစ်ခု ဖြစ်တဲ့ Better Sales Strategist_online course မှာတော့ Pricing Strategy ကို သင်ခန်းစာတစ်ခု အနေနဲ့ သင်ပါတယ်။

အရောင်းနဲ့ပတ်သတ်တဲ့ ဗဟုသုတတွေဖတ်ရှု့ချင်ရင်တော့ ကျွန်တော်တို့ Better Version Website မှာအချိန်မရွေး ဖတ်ရှု့ လေ့လာနိုင်ပါတယ်။

အရောင်းပိုင်းနဲ့ ဆိုင်တဲ့ သင်တန်းများ စုံစမ်းချင်တယ်ဆိုရင် မက်ဆေ့မှ တစ်ဆင့် စုံစမ်းနိုင်ပါတယ်။

#PricingStrategy
#BetterSalesStrategist
#MakeYourProgress

[မေးချင်တာရှိရင် comment ရေးခဲ့ပါ]

Leave your thought here

Your email address will not be published. Required fields are marked *

Select the fields to be shown. Others will be hidden. Drag and drop to rearrange the order.
  • Image
  • SKU
  • Rating
  • Price
  • Stock
  • Availability
  • Add to cart
  • Description
  • Content
  • Weight
  • Dimensions
  • Additional information
  • Attributes
  • Custom attributes
  • Custom fields
Compare
Wishlist 0
Open wishlist page Continue shopping
Sales Techniques - E book

သင့်ရောင်းအားကို မြှင့်တင်ဖို့ နည်းလမ်းကောင်းတွေပါတဲ့ E-book ကို FREE (အခမဲ့) ရယူပါ။

ကမ္ဘာကျော် ရုပ်ရှင်ကား တစ်ခုဖြစ်တဲ့ “Wolf Of Wall Street” ရဲ့ ပဲ့ကိုင်ရှင် Jorden Belford ရဲ့ အရောင်းပညာရပ်တွေကို ဖတ်ရှုလေ့လာ သင့်လုပ်ငန်းမှာကျင့်သုံးနိုင်ပါတယ်။