There are no customers, no businesses. ရှင်းပါတယ်။ ဖောက်သည်မရှိဘဲဘယ်လိုမှ စီးပွားရေးလုပ်လို့မရနိူင်ပါဘူး။

သုတေသန စစ်တမ်းတွေအရ ဖောက်သည်အသစ်ရှာခြင်းဟာ အဟောင်းကို ထိန်းသိမ်းတာထက် ငါးဆလောက် ပိုပြီး ကုန်ကျစရိတ်ရှိတယ်လို့ ဆိုပါတယ်။ဒီတော့ ကိုယ့်လုပ်ငန်းနဲ့ ပတ်သက်ပြီး လက်ရှိဖောက်သည်တွေကို အမြဲတမ်းဖောက်သည်တွေဖြစ်လာအောင် လုပ်သင့်ပါတယ်။ဒီနေရာမှာ အခြေအနေ သုံးဆင့်နဲ့စဉ်းစားသင့်ပါတယ်။

၁) စိတ်ကျေနပ်မှုမရှိတဲ့ ဖောက်သည်တွေကို စိတ်ကျေနပ်မှု ရှိလာအောင် ပြုလုပ်ခြင်း။
၂) စိတ်ကျေနပ်မှုရှိနေတဲ့ ဖောက်သည်တွေကို ၁၀၀ % စိတ်ကျေနပ်မှု ရအောင်ပြုလုပ်ခြင်း။
၃) သစ္စာရှိတဲ့ဖောက်သည် ဖြစ်လာအောင် ပြုလုပ်ခြင်းဆိုပြီး သုံးပိုင်းရှိပါတယ်။

ပထမအဆင့် ဖြစ်တဲ့ စိတ်ကျေနပ်မှုမရှိတဲ့ ဖောက်သည်တွေအတွက် ဆိုရင်တော့ ကိုယ်ပေးနေတဲ့ ဝန်ဆောင်မှု ဟာ လုပ်ငန်းတစ်ခုအနေနဲ့ပေးကို ပေးရမယ့် အခြေခံသတ်မှတ်ချက်တွေနဲ့ကိုက်ညီမှု ရှိရဲ့လား။ စျေးနှုန်းကြီးမြင့်မှုတွေ ရှိနေလို့လား။ စတဲ့ အချက်တွေကို လေ့လာပြီး ပြင်ဆင်ရမှာဖြစ်ပါတယ်။

ဥပမာတစ်ခုပြောရရင် လွန်ခဲ့တဲ့ ၁၀ စုနှစ်တစ်ခုလောက်ကဆိုရင် ဖောက်သည်က အဆက်အသွယ်လုပ်လာတဲ့အခါမှာ အချိန်အားဖြင့် ၄၈ နာရီအတွင်း ပြန်ရင်ရပါတယ်။ နောက်တဖြည်းဖြည်းနဲ့ဖောက်သည်တွေရဲ့မျှော်လင့်ချက်က ၂၄ အတွင်းဖြစ်လာရော။ အခုဆို မြန်နိူင်သမျှ မြန်လေ ကောင်းလေဆိုတဲ့ ပုံစံမျိုးကို ရောက်လာပါတယ်။

နောက်တစ်ဆင့် ဖြစ်တဲ့ စိတ်ကျေနပ်မှုရှိတယ်။ complaint တွေ အများကြီးတတ်မနေပေမယ့် ၁၀၀% စိတ်ကျေနပ်မှု မရသေးတဲ့ ဖောက်သည်တွေ အတွက်ဆိုရင်တော့ဒီအဆင့်မှာတော့ ကိုယ်ဖောက်သည် နေရာကနေ ဝင်ကြည့်ပြီးတော့ ကိုယ့်လုပ်ငန်းနဲ့ထိတွေ့တဲ့ နေရာတိုင်းမှာ အဆင်ပိုပြေဖို့အတွက်စဉ်းစားသင့်ပါတယ်။ မလိုအပ်တဲ့အဆင့်တွေကို တက်နိူင်သမျှ လျှော့ချပြီး ပိုပြီး အဆင်ပြေလွယ်ကူအောင်လုပ်ပေးသင့်ပါတယ်။

ဒါအပြင် ကိုယ့်ဝန်ဆောင်မှု၊ ထုတ်ကုန် နဲ့ ပတ်သက်ပြီး ဖောက်သည်တွေ ရဲ့မျှော်လင့်ချက် နဲ့ကိုက်ညီအောင် ပိုကောင်းအောင် စဉ်ဆက်မပြတ်လုပ်နေဖို့လိုပါတယ်။မမျှော်လင့်ထားတဲ့ အခြေအနေမျိုး ဖြစ်ခဲ့ရင် ဘယ်လို အစားထိုးပေးမလဲဆိုတာကိုလဲ စဉ်းစားပြီး ပြင်ဆင်ထားသင့်ပါတယ်။ ဒါအပြင် ကိုယ့်ဖောက်သည်ဆီကနေ Feedback ပုံမှန်ကောက်ပြီး လိုအပ်တာတွေကို ပြင်ဆင်သင့်ပါတယ်။

နောက်တစ်ဆင့်ဖြစ်တဲ့ လက်ရှိဖောက်သည်တွေကို သစ္စာရှိဖောက်သည်တွေ ဖြစ်လာအောင်လုပ်တာဖြစ်ပါတယ်။ဒီအဆင့်မှာတော့ အပေါ်မှာ ပြထားတဲ့ အဆင့် ၂ ကို လုပ်ဆောင်ချက်ကို ထပ်တလဲလဲ အမြဲလုပ်ရမှာ ဖြစ်ပါတယ်။ ဝန်ဆောင်မှုဟာ အမြဲ တသတ်မှတ်တည်း ဖြစ်နေအောင် ကြိုးစားသင့်ပါတယ်။ ဒါကြောင့် Customer Service Procedure များကို သေချာရေးထားသင့်ပါတယ်။ ဝန်ထမ်းတိုင်းသိရှိနားလည်နေအောင်လဲ လုပ်ထားသင့်ပါတယ်။နောက်တစ်ခု အနေနဲ့ မိတ်ဆက်ပေးချင်တာတော့ ဝန်ဆောင်မှု အရည်အသွေးတိုင်းတာတဲ့ ပေတံလေးအကြောင်းပါ။

ဒါကတော့ RATER Framework လို့ခေါ်ပါတယ်။ R (Reliable), A (Assurance), T (Tangible), E (Empathy), R (Responsiveness)ကျွန်တော်အနေနဲ့တော့ Responsiveness ကို အရင်ဆုံးလာစေချင်ပါတယ်။

၁) ဖောက်သည်တွေကို အမြန်ဆုံး တုံ့ပြန်ပါ။ မြန်မြန် ပြန်လည် ဆက်သွယ်ပြောဆိုပါ။
၂) ကိုယ့်ဖောက်သည်တွေက ကိုယ့်ကို ယုံကြည်နိူင်လောက်အောင် ပြုလုပ်ထားပါ။
၃) ကိုယ့်လုပ်ငန်းနဲ့ ပတ်သက်တဲ့ထိတွေ့ကိုင်တွယ် မြင်တွေ့ခံစားလို့ရမယ့် အရာအားလုံးကို အကောင်းဆုံး ပြင်ဆင်ထားပါ။
၄) ဖောက်သည်တွေကို ကိုယ်ချင်းစာစိတ်နဲ့ ဆက်ဆံပြောဆို ဝန်ဆောင်မှုပေးပါ။
၅) ကိုယ့်ဖောက်သည်တွေ လိုအပ်တဲ့အရာတွေကို တကယ်ဘဲ ဖြည့်ဆည်းနိူင်အောင် ဆောင်ရွက်ထားပါ။ အမြဲမပြတ်ကိုယ့် ဝန်ဆောင်မှုဟာ တသတ်မှတ်တည်း ဖြစ်အောင်လုပ်ထားပါ။

ဒီငါးချက်ကို သေချာ စဉ်းစားပြီး ကိုယ်လုပ်ငန်းရဲ့ဝန်ဆောင်မှုကောင်းတွေပေးနိူင်အောင် ဖြည့်ဆည်းခြင်းအားဖြင့် အမြဲတမ်းဖောက်သည်တွေ တိုးတက်လာနိူင်မှာပါ။

#BetterCustomerService
#LoyalCustomers
#BetterVersion